തമിഴ്നാട് കാഞ്ചിപുരത്ത് പ്രവര്ത്തിക്കുന്ന ശ്രീശന് ഫാര്മസ്യൂട്ടിക്കല്സ് എന്ന സ്ഥാപനത്തിന്റെ ലൈസന്സ് മരവിപ്പിക്കാനുള്ള നടപടികള് തമിഴ്നാട് ഡ്രഗ്സ് കണ്ട്രോളര് എടുത്തിട്ടുള്ള സാഹചര്യത്തില് ആ കമ്പനിയുടെ എല്ലാ മരുന്നുകളും കേരളത്തില് വിതരണം നിര്ത്തിവയ്പ്പിച്ചതായി ആരോഗ്യ മന്ത്രി വീണാ ജോര്ജ് അറിയിച്ചു.
ഗുജറാത്തിലെ Rednex Pharmaceuticals Pvt. Ltd. Ahamdabad നിർമിച്ച Respifresh TR, 60ml syrup, Batch. No. R01GL2523 എന്ന മരുന്ന് ഗുണനിലവാരം ഇല്ലെന്ന് ഗുജറാത്ത് ഡ്രഗ്സ് കണ്ട്രോളര് അറിയിച്ച സാഹചര്യത്തില് ഈ മരുന്നിന്റെ വിതരണവും വില്പ്പനയും ഡ്രഗ്സ് കണ്ട്രോള് വകുപ്പ് സംസ്ഥാനത്ത് അടിയന്തരമായി നിര്ത്തിവയ്പ്പിച്ചു.
സംസ്ഥാനത്ത് 5 വിതരണക്കാരാണ് ഈ മരുന്ന് വിതരണം നടത്തുന്നത്. അവര്ക്ക് മരുന്ന് വിതരണം നിര്ത്തിവയ്ക്കാന് നിര്ദേശം നല്കിയിട്ടുണ്ട്. ഈ മരുന്ന് വില്പന നടത്തുന്നവര്ക്കെതിരെ കര്ശന നടപടി സ്വീകരിക്കും. കൈവശമുള്ളവര് ഉപയോഗിക്കരുത്.
അംഗീകൃത ഡോക്ടറുടെ കുറിപ്പടി ഇല്ലാതെ 12 വയസിനു താഴെയുള്ള കുട്ടികള്ക്ക് വേണ്ടി മരുന്ന് നല്കുന്ന സ്ഥാപനങ്ങള്ക്കെതിരെ കര്ശന നടപടി സ്വീകരിക്കാനും മന്ത്രി നിർദേശം നൽകി.