കണ്ണൂര് സര്വകലാശാല വൈസ് ചാന്സലര് ഡോ.ഗോപിനാഥ് രവീന്ദ്രന് പുനര്നിയമനം നല്കിയത് ചോദ്യം ചെയ്തുള്ള ഹര്ജി ഫയലില് സ്വീകരിക്കണമോ എന്ന കാര്യത്തില് ഇന്ന് ഹൈക്കോടതി തീരുമാനം എടുക്കും. വിസിയെ നീക്കാന് നിര്ദ്ദേശം നല്കണമെന്ന് ആവശ്യപ്പെട്ടു കൊണ്ടുള്ള ഹര്ജിയാണ് കോടതിയുടെ പരിഗണനയില് ഉള്ളത്.
ഗവര്ണര് പുതിയ വെളിപ്പെടുത്തലുകളുമായി എത്തിയ സാഹചര്യത്തില് കൂടുതല് വാദത്തിന് അവസരം നല്കണമെന്ന് ഹര്ജിക്കാര് ആവശ്യപ്പെട്ടിരുന്നു. ഹര്ജിക്കാരുടെ ഈ ആവശ്യം ജസ്റ്റിസ് അമിത് റാവല് കഴിഞ്ഞ ദിവസം തളളിയിരുന്നു. ഗവര്ണറുടെ അറിവോടെ നിയമപരമായ നടപടിക്രമങ്ങള് പൂര്ത്തിയാക്കിയല്ലേ പുനര് നിയമനം നല്കിയത് എന്ന സംശയവും കോടതി പ്രകടിപ്പിച്ചിരുന്നു. കണ്ണൂര് യൂണിവേഴ്സിറ്റി സെനറ്റ് അംഗം ഡോ പ്രേമചന്ദ്രന് കീഴോത്ത്, അക്കാദമിക് കൗണ്സില് അംഗം ഷിനോ പി ജോസ് എന്നിവരാണ് ഹര്ജി സമര്പ്പിച്ചത്. ഹര്ജി തളളുകയാണെങ്കില് അടുത്ത ദിവസം തന്നെ ഡിവിഷന് ബെഞ്ചില് അപ്പീല് നല്കാനുളള നീക്കവും നടക്കുന്നുണ്ട്.