കാസർകോട് കാഞ്ഞങ്ങാട് വീട്ടിൽ ഉറങ്ങി കിടന്ന പത്ത് വയസുകാരിയെ തട്ടികൊണ്ടുപോയി ലൈംഗിക അതിക്രമം നടത്തിയ കേസിലെ പ്രതിയെ തിരിച്ചറിഞ്ഞു. കുടക് സ്വദേശിയായ ഒരു യുവാവാണ് സംഭവത്തിലെ പ്രതിയെന്ന് പൊലീസ് പറഞ്ഞു. പ്രതിക്കായുള്ള തിരച്ചിൽ ഊർജ്ജിതമായി പുരോഗമിക്കുന്നതിനിടയിലാണ് പ്രതിയെന്ന് സംശയിക്കുന്ന യുവാവിനെ തിരിച്ചറിഞ്ഞത്.
പ്രതിയുടെ സിസിടിവി ദൃശ്യം ശ്രദ്ധയിൽപെട്ട ബന്ധുവാണ് വിവരം പൊലീസിനെ അറിയിച്ചത്. ഇയാൾ നേരത്തെയും പോക്സോ കേസിൽ പ്രതിയാണെന്ന് പൊലീസ് പറഞ്ഞു. ഇയാളെ പിടികൂടാനുള്ള ശ്രമത്തിലാണ് അന്വേഷണ സംഘം. പ്രതിയെന്ന് സംശയിച്ച് കേസിൽ പൊലീസ് ആദ്യം ഒരാളെ സംശയിച്ചിരുന്നു. കസ്റ്റഡിയിലെടുത്തയാൾ പ്രതിയല്ലെന്നും പൊലീസ് വ്യക്തമാക്കി.