ഡി രാജയ്‌ക്കെതിരെ സംസ്ഥാന കൗണ്‍സില്‍ യോഗത്തിലുണ്ടായ വിമര്‍ശനത്തെ ന്യായീകരിച്ച് സംസ്ഥാന സെക്രട്ടറി കാനം രാജേന്ദ്രന്‍. ദേശീയ എക്‌സിക്യൂട്ടീവിന്റെ തീരുമാനം ദുര്‍ബലപ്പെടുത്താനാണ് ഡി രാജ ശ്രമിച്ചതെന്ന് കാനം കൂട്ടിച്ചേര്‍ത്തു. എതിര്‍പ്പ് ഡി രാജയെ നേരിട്ടറിയിക്കുമെന്നും കാനം മാധ്യമങ്ങളോട് പറഞ്ഞു.
ദേശീയ സമിതി അംഗങ്ങള്‍ സംസ്ഥാനത്തിനകത്തെ കാര്യങ്ങള്‍ പറയുമ്പോള്‍ അതത് സംസ്ഥാന നേതൃത്വങ്ങളോട് ആലോചിക്കണം എന്ന മുന്‍കാല തീരുമാനം ലംഘിക്കപ്പെട്ടതിനാണ് ദേശീയ സെക്രട്ടറിക്കെതിരെ സംസ്ഥാന കൗണ്‍സിലില്‍ വിമര്‍ശനം ഉയര്‍ന്നതെന്നും കാനം രാജേന്ദ്രന്‍ പറഞ്ഞു. എസ് എ ഡാങ്കെയെ വരെ മിര്‍ശിച്ച പാര്‍ട്ടിയാണ് ഇതെന്ന ഓര്‍മ്മപ്പെടുത്തലും കാനം നടത്തി.
സംസ്ഥാന പൊലീസിനെ ന്യായീകരിച്ചു കാനം രംഗത്തെത്തി. ദേശീയ നേതാവിന്റെ വിമര്‍ശനം സംബന്ധിച്ച മാധ്യമ പ്രവര്‍ത്തകരുടെ ചോദ്യത്തിനാണ് സംസ്ഥാന പൊലീസിനെ ന്യായീകരിച്ചത്. യുപി പൊലീസിനെ താരതമ്യംചെയ്തായിരുന്നു കാനത്തിന്റെ ന്യായീകരണം.