കളമശ്ശേരി സ്ഫോടനത്തിൽ മരണം നാലായി. എറണാകുളം മെഡിക്കൽ സെന്റർ ആശുപത്രിയിൽ ചികിത്സയിലായിരുന്ന കളമശേരി സ്വദേശി മോളി ജോയ് (61) ഇന്ന് രാവിലെ 6.30 ന് മരിച്ചു. സ്ഫോടനത്തിൽ ഇവർക്ക് 80 ശതമാനത്തോളം പൊള്ളലേറ്റിരുന്നു. സ്ഫോടനത്തിൽ പൊള്ളലേറ്റ 10 പേര് ഇപ്പോഴും ഐസിയുവിലാണ്. രണ്ട് പേരുടെ നില ഗുരുതരമാണ്.
അതേസമയം, കളമശ്ശേരി സ്ഫോടന കേസിലെ പ്രതി ഡൊമനിക് മാർട്ടിനെ കസ്റ്റഡിയിൽ ആവശ്യപ്പെട്ട് പൊലീസ് നൽകിയ ഹർജി എറണാകുളം ജില്ലാ സെഷൻസ് കോടതി ഇന്ന് പരിഗണിക്കും. 10 ദിവസം കസ്റ്റഡിയിൽ വേണമെന്നാണ് ആവശ്യം. കേസിൽ കൂടുതൽ പ്രതികൾ ഉൾപ്പട്ടിട്ടുണ്ടോ എന്നതടക്കമുള്ളതിൽ വ്യക്തത വരുത്തുകയാണ് ലക്ഷ്യം.