പ്രമുഖ നടൻ കലിംഗ ശശി (59) അന്തരിച്ചു. വി. ചന്ദ്രകുമാര് എന്നാണ് യഥാര്ത്ഥ പേര്. പാലേരി മാണിക്യം കേരള കഫേ, വെള്ളിമൂങ്ങ,ആമ്മേന് തുടങ്ങി നിരവധി സിനിമകളില് അഭിനയിച്ചിട്ടുണ്ട്. കോഴിക്കോട് സ്വകാര്യ ആശുപത്രിയില് വെച്ച് ഇന്ന് പുലര്ച്ചെയായിരുന്നു അന്ത്യം. കരള് രോഗബാധിതനായി ചികിത്സയിലായിരുന്നു
നാടകരംഗത്ത് തിളങ്ങി നിന്നിരുന്ന കലിംഗ ശശി ഹാസ്യകഥാപാത്രങ്ങളിലൂടെയാണ് ജനഹൃദയങ്ങള് കീഴടക്കിയത്. ഇരുപത്തിയഞ്ച് വര്ഷത്തോളം നാടകരംഗത്ത് പ്രവര്ത്തിച്ചു. 500-ലധികം നാടകങ്ങളില് അഭിനയിച്ച അദ്ദേഹം “പാലേരിമാണിക്യം ഒരു പാതിരാക്കൊലപാതകത്തിന്റെ കഥ” എന്ന രഞ്ജിത്ത് ചിത്രത്തിലൂടെയാണ് വെളളിത്തിരയില് അരങ്ങേറ്റം കുറിച്ചത്. കേരളാകഫേ, പ്രാഞ്ചിയേട്ടന് ആന്റ് ദ സെയിന്റ്, ഇന്ത്യന് റുപ്പി, ആമ്മേന്, അമര് അക്ബര് ആന്റണി ,വെള്ളിമൂങ്ങ, ആദമിന്റെ മകന് അബു തുടങ്ങി നിരവധി സിനിമകളില് അഭിനയിച്ചിട്ടുണ്ട്.
കോഴിക്കോട് കുന്നമംഗലത്ത് ചന്ദ്രശേഖരന് നായരുടെയും സുകുമാരി അമ്മയുടെയും മകനാണ്. പ്രഭാവതിയാണ് ഭാര്യ