കെഎസ്യു സംസ്ഥാന പ്രസിഡന്റ് അലോഷ്യസ് സേവ്യറിനെതിരെ കടുത്ത നിലപാടുമായി കെപിസിസി അദ്ധ്യക്ഷന് കെ സുധാകരന്. കെഎസ്യു പ്രസിഡന്റ് തന്നെ അപമാനിക്കാന് ശ്രമിച്ചുവെന്നാണ് കെ സുധാകരന്റെ പരാതി. ഇതുകൂടാതെ കെഎസ്യു ക്യാമ്പിലെ കൂട്ടത്തല്ലിലും കെ സുധാകരന് കെഎസ്യു നേതൃത്വത്തിനെതിരെ നിലപാട് കടുപ്പിച്ചിട്ടുണ്ട്.
കൂട്ടത്തല്ല് സംഭവത്തില് കെപിസിസി അന്വേഷണ സമിതിയോട് അടിയന്തര റിപ്പോര്ട്ട് ആവശ്യപ്പെട്ടിട്ടുണ്ട്. ഇതിനിടെ അലോഷ്യസ് സേവ്യറില് നിന്ന് തന്നെ അപമാനിക്കുന്ന നിലപാടുണ്ടായതായി അറിയിച്ച് കേന്ദ്ര നേതൃത്വത്തെയും സുധാകരന് സമീപിച്ചിട്ടുണ്ട്. നെയ്യാര്ഡാമില് നടന്ന പഠനക്യാമ്പില് തന്നെ ക്ഷണിക്കാതിരുന്നത് അപമാനിക്കാനാണെന്നും സുധാകരന് കേന്ദ്രനേതൃത്വത്തെ അറിയിച്ചിട്ടുണ്ട്.
കെഎസ്യു സ്വതന്ത്ര സംഘടനയെന്ന നിലയിലാണ് പ്രവര്ത്തിക്കുന്നതെന്നും കെപിസിസി അധ്യക്ഷന്റെ പരാതിയിലുണ്ട്. കെപിസിസി അന്വേഷണ സമിതിയുടെ പ്രാഥമിക റിപ്പോര്ട്ടില് ക്യാമ്പ് നടത്തിപ്പില് ഗുരുതര വീഴ്ചയുള്ളതായി കണ്ടെത്തിയിരുന്നു. അതേസമയം പ്രതിപക്ഷ നേതാവ് തന്റെ അനുയായിയായ അലോഷ്യസ് സേവ്യറിനെ സംരക്ഷിക്കുമെന്ന നിലപാടിലാണ്.