മുഖ്യമന്ത്രിയുടെ ചീഫ് പ്രിന്സിപ്പല് സെക്രട്ടറി ഡോ കെ എം ഏബ്രഹാം നിയമനടപടി ആരംഭിച്ചതോടെ അധിക്ഷേപ പരാമര്ശങ്ങള് നിരുപാധികം പിന്വലിച്ച് മാപ്പ് പറഞ്ഞ് റിട്ട.
ജസ്റ്റീസ് കെമാല് പാഷ. ‘ജസ്റ്റീസ് കെമാല് പാഷ വോയിസ്’ എന്ന സ്വന്തം യൂട്യൂബ് ചാനല് വഴി നടത്തിയ വ്യക്തിപരമായ അധിക്ഷേപ പരാമര്ശങ്ങള്ക്കെതിരെ കെഎം ഏബ്രഹാം വക്കീല്നോട്ടീസ് അയച്ചത്. വരവില് കവിഞ്ഞ സ്വത്ത് സമ്പാദന കേസില് ഹൈക്കോടതി ഏബ്രഹാമിനെതിരെ സിബിഐ അന്വേഷണത്തിന് ഉത്തരവിട്ടിരുന്നു.
ഇതിനെ തുടര്ന്ന് വ്യക്തി അധിക്ഷേപ പരാമര്ശങ്ങളോടെ കെമാല് പാഷ സ്വന്തം യൂട്യൂബ് ചാനലില് വീഡിയോ പോസ്റ്റ് ചെയ്തത്. അന്വേഷണത്തിന് ഹൈക്കോടതി ഉത്തരവിടുക മാത്രം ചെയ്ത കേസില് കെ.എം.ഏബ്രഹാമിനെ കാട്ടുകള്ളന്, അഴിമതി വീരന്, കൈക്കൂലി വീരന് തുടങ്ങിയ പരാമര്ശങ്ങളിലൂടെ അധിക്ഷേപിച്ചിരുന്നു.
തുടര്ന്നാണ് വീഡിയോ പിന്വലിച്ച് പരസ്യമായി മാപ്പ് പറയണമെന്നും മുന്നിര പത്രങ്ങളിലടക്കം മാപ്പപേക്ഷ പ്രസിദ്ധീകരിക്കണമെന്നും ആവശ്യപ്പെട്ട് കെഎംഏബ്രഹാം വക്കീല് നോട്ടീസ് അയച്ചത്. ഇങ്ങനെ ചെയ്തില്ലെങ്കില് രണ്ടു കോടി രൂപ നഷ്ടപരിഹാരം ആവശ്യപ്പെട്ട് മാനനഷ്ടക്കേസ് നല്കുമെന്നും അദേഹം വ്യക്തമാക്കിയിരുന്നു. തുടര്ന്നാണ് അദേഹം വീഡിയോ പിന്വലിച്ച് ക്ഷമാപണം നടത്തിയത്.