സംസ്ഥാനത്ത് ഒറ്റപ്പെട്ടയിടങ്ങളില് ഇന്ന് ഇടിമിന്നലോടു കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഇടിമിന്നല് അപകടകരമായതിനാൽ ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് അറിയിച്ചു. തെക്കന് കേരളത്തില് ഇന്നലെ ഒറ്റപ്പെട്ട സ്ഥലങ്ങളില് വേനല്മഴ ലഭിച്ചു.
അതേസമയം സംസ്ഥാനത്ത് പകല് സമയങ്ങളില് ചൂട് കൂടുകയാണ്. 12 ജില്ലകളിലാണ് കേന്ദ്ര കാലാവസ്ഥ വകുപ്പ് ജാഗ്രതാനിര്ദേശം നല്കിയിരിക്കുന്നത്. ഇന്ന് പാലക്കാട് ജില്ലയില് ഉയര്ന്ന താപനില 39 °C വരെയും കൊല്ലം ജില്ലയില് 38°C വരെയും രേഖപ്പെടുത്തുമെന്നാണ് കാലാവസ്ഥ വകുപ്പിൻ്റെ അറിയിപ്പ്.
തിരുവനന്തപുരം, പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര് ജില്ലകളില് ഉയര്ന്ന താപനില 37°C വരെയും മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് 36°C വരെയും ഉയരാന് സാധ്യതയുണ്ട്.