കൊച്ചിന് ശാസ്ത്ര സാങ്കേതിക സര്വകലാശാല സിന്റിക്കേറ്റ് അംഗം കടന്നുപിടിച്ചതായി വിദ്യാര്ത്ഥിനിയുടെ പരാതി. സ്റ്റുഡന്റ്സ് വെല്ഫയര് ഡയറക്ടര് പികെ ബേബിയ്ക്കെതിരെയാണ് വിദ്യാര്ത്ഥിനി പരാതി നല്കിയത്. കലോത്സവത്തിനിടെ പികെ ബേബി വിദ്യാര്ത്ഥിനിയെ കടന്നുപിടിച്ചെന്നാണ് പരാതിയിലുള്ളത്.
നേരത്തെ പികെ ബേബി മാനദണ്ഡങ്ങള് ലംഘിച്ച് സ്ഥാനക്കയറ്റം നേടിയെന്ന ആരോപണത്തിലും വലിയ വിവാദം ഉടലെടുത്തിരുന്നു. 2024 ജനുവരിയില് ആയിരുന്നു കുസാറ്റില് കലോത്സവം നടന്നത്. ഇതിനിടെ പികെ ബേബി പെണ്കുട്ടിയോട് മോശമായി പെരുമാറിയെന്നും കടന്നുപിടിച്ചെന്നുമാണ് പരാതിയിലുള്ളത്.
പരാതിക്കാരി ആദ്യ ഘട്ടത്തില് പൊലീസിനെ സമീപിച്ചിരുന്നില്ല. കുസാറ്റ് വിസിയ്ക്ക് ആയിരുന്നു ആദ്യഘട്ടത്തില് പെണ്കുട്ടി പരാതി നല്കിയത്. തുടര്ന്ന് ക്യാമ്പസിലെ ഇന്റേണ് കംപ്ലയിന്റ് വഴി ആഭ്യന്തര അന്വേഷണത്തിന് വിസി നിര്ദ്ദേശം നല്കുകയായിരുന്നു. ഇതിന് പിന്നാലെയാണ് പെണ്കുട്ടി പരാതിയുമായി കളമശ്ശേരി പൊലീസിനെ സമീപിച്ചത്.