തിരുവനന്തപുരത്ത് കോണ്ഗ്രസ് നേതാവ് കെ മുരളീധരന്റെ കാലുവാരുന്നവര് ഉണ്ടെന്ന് തൃശൂരിലെ ബിജെപി സ്ഥാനാര്ത്ഥി പത്മജ വേണുഗോപാല്. തൃശൂരില് കരുണാകരന്റെ വോട്ടുകള് കുറേ തനിക്ക് ലഭിക്കുമെന്നും എല്ലാം കൊണ്ടുപോകാമെന്ന് വിചാരിക്കേണ്ട എന്നും പത്മജ പറഞ്ഞു.
നെടുമ്പാശ്ശേരി വിമാനത്താവളത്തിന് കെ കരുണാകരന്റെ പേരിടണം. യുഡിഎഫ് കാലത്ത് എയര്പോര്ട്ടിന് അച്ഛന്റെ പേര് ഇടാതിരുന്നതിന് കാരണം മക്കള്ക്ക് അതിന്റെ ലെഗസി കിട്ടുമെന്ന് പേടിച്ചാണ് എന്നും അവർ പ്രമുഖ മാധ്യമത്തോട് പറഞ്ഞു.
തൃശൂരില് തെരഞ്ഞെടുപ്പില് തിരിച്ചടി കിട്ടുമ്പോഴൊക്കെ കരുണാകരന് വേദനിച്ചിരുന്നു. അച്ഛന്റെ പേരില് എന്തെങ്കിലും തൃശൂരില് തുടങ്ങണമെന്നുണ്ട്. കഴിഞ്ഞ രണ്ട് തെരഞ്ഞെടുപ്പുകളില് ഉണ്ടായ കുത്ത് ഇത്തവണ തനിക്ക് ഉണ്ടാവില്ലെന്നും പത്മജ പറഞ്ഞു.