തലസ്ഥാനത്ത് ചിക്കന്കറിക്ക് ചൂടില്ലെന്ന് ആരോപിച്ച് ഹോട്ടലുടമയ്ക്ക് സോഡ കുപ്പികൊണ്ട് മര്ദ്ദനം. നെയ്യാറ്റിന്കര അമരവിളയ്ക്ക് സമീപത്തെ പുഴയോരം ഹോട്ടലില് ആണ് സംഭവം നടന്നത്. ശനിയാഴ്ച രാത്രിയായിരുന്നു ആക്രമണം. സംഭവത്തില് ഹോട്ടലുടമയായ ദിലീപിന് പരിക്കേറ്റു. നെയ്യാറ്റിന്കര സ്വദേശിയും സുഹൃത്തുക്കളും ചേര്ന്ന് ആക്രമിച്ചതായാണ് പരാതി.
നെയ്യാറ്റിന്കര സ്വദേശിയായ സജിന്ദാസിന്റെ നേതൃത്വത്തിലുള്ള സംഘമാണ് ആക്രമണത്തിന് പിന്നിലെന്ന് ദീലീപിന്റെ പരാതിയില് പറയുന്നു. ചിക്കന്കറിക്ക് ചൂടില്ലെന്ന് ആരോപിച്ച് തര്ക്കമുണ്ടാക്കിയ ഇവര് കടയിലുണ്ടായിരുന്ന സോഡാ കുപ്പികൊണ്ട് ദിലീപിനെ അടിക്കുകയായിരുന്നു. പരിക്കേറ്റ ദിലീപ് ആദ്യം നെയ്യാറ്റിന്കര ജനറല് ആശുപത്രിയിലും പിന്നീട് നെയ്യാറ്റിന്കരയിലെ സ്വകാര്യ ആശുപത്രിയിലും ചികിത്സതേടി.
ആക്രമണത്തിന് പിന്നാലെ സജിന്ദാസ്, പ്രവീണ് എന്നിവരുള്പ്പെടെ കണ്ടാലറിയാവുന്ന ഒന്പതുപേര്ക്കെതിരേ ദിലീപ് പരാതി നല്കിയിട്ടുണ്ട്. സംഭവത്തെക്കുറിച്ച് അന്വേഷിച്ചുവരികയാണെന്ന് നെയ്യാറ്റിന്കര പൊലീസ് വ്യക്തമാക്കി.