സംസ്ഥാനത്തെ സ്കൂളുകള്ക്ക് ഒക്ടോബര് 11 ന് അവധി. പൂജ വയ്പൂമായി ബന്ധപ്പെട്ടാണ് സ്കൂളുകള്ക്ക് അവധി നല്കുന്നത്. അവധി നല്കണമെന്നാവശ്യപ്പെട്ട് അധ്യാപക സംഘടനയായ എന്ടിയു മന്ത്രിക്ക് നിവേദനം നല്കിയിരുന്നു. അതേസമയം അവധി സംബന്ധിച്ച് സർക്കാർ ഉടന് ഉത്തരവിറക്കും.
സാധാരണഗതിയില് ദുര്ഗാഷ്ടമി ദിവസം സന്ധ്യയ്ക്കാണ് പുസ്തകങ്ങള് പൂജയ്ക്ക് വെക്കുന്നത്. ഇത്തവണ രണ്ട് ദിവസങ്ങളിലായി സൂര്യോദയത്തിനു തൃതീയ വരുന്നതിനാല് അഷ്ടമി സന്ധ്യയ്ക്കുവരുന്ന 10 ന് വൈകിട്ടാണ് പൂജവെയ്പ്. ഈ സാഹചര്യത്തിൽ 11 ന് അവധി നല്കണമെന്നാവശ്യപ്പെട്ട് അധ്യാപക സംഘടനയായ നിവേദനത്തിന് പിന്നാലെയാണ് അവധി നല്കാൻ തീരുമാനമായത്.
പുസ്തകങ്ങള് പൂജ വെച്ചതിന് ശേഷമുള്ള ദിവസം സര്ക്കാര് അവധി ദിനമായി പ്രഖ്യാപിക്കണമെന്നായിരുന്നു അധ്യാപക സംഘടനയുടെ ആവശ്യം. സര്ക്കാര് കലണ്ടറില് ഒക്ടോബര് 10 നാണ് പൂജവെയ്പ്പ് രേഖപ്പെടുത്തിയിരിക്കുന്നത്. അതിനാൽ തന്നെ 11 ന് അവധി പ്രഖ്യാപിച്ചിട്ടുമില്ല. ഈ സാഹചര്യത്തിലാണ് അധ്യാപക സംഘടന ആവശ്യമുന്നയിച്ച് രംഗത്തെത്തിയത്.