സംസ്ഥാനത്ത് കനത്ത മഴ തുടരുന്ന സാഹചര്യത്തില് മൂന്ന് ജില്ലകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. തൃശൂര് ജില്ലയില് കനത്തമഴ തുടരുന്നതിനാല് മുന്കരുതല് നടപടിയുടെ ഭാഗമായി നാളെ ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചു.
സിബിഎസ്ഇ, ഐസിഎസ്ഇ, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള്, ട്രെയിനിങ് ഇന്സ്റ്റിറ്റ്യൂട്ടുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ലെന്ന് ജില്ലാ കളക്ടര് അറിയിച്ചു.
കനത്ത മഴ തുടരുന്ന വയനാട് ജില്ലയില് നാളെ ഓറഞ്ച് അലര്ട്ട് പ്രഖ്യാപിക്കുകയും മഴ തുടരുകയും ചെയ്യുന്ന സാഹചര്യത്തില് ജില്ലയിലെ റസിഡന്ഷ്യല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചു. പ്രൊഫഷണല് കോളേജുകള്ക്കും, മദ്രസ്സകള്ക്കും അംഗന്വാടികള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് വയനാട് ജില്ലയിലും അവധി ബാധകമല്ലെന്ന് കളക്ടര് അറിയിക്കുന്നു.
കനത്ത മഴ തുടരുന്ന സാഹചര്യത്തില് ഇടുക്കി ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ കളക്ടര് അവധി പ്രഖ്യാപിച്ചു. പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും. ജില്ലയില് ഇന്നും നാളെയും ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്.