സംസ്ഥാനത്ത് കനത്ത മഴ തുടരുന്ന സാഹചര്യത്തില് എട്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര്മാര് നാളെ അവധി പ്രഖ്യാപിച്ചു. കോഴിക്കോട്, വയനാട്, ഇടുക്കി, കണ്ണൂര്, കാസര്കോട്, തൃശൂര്, എറണാകുളം, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചത്.
ട്യൂഷന് സെന്ററുകള്, അങ്കണവാടികള്, മദ്രസകള് തുടങ്ങിയവയ്ക്കും നാളെ അവധിയായിരിക്കും. എന്നാല് നേരത്തെ നിശ്ചയിച്ച പരീക്ഷകള്ക്ക് മാറ്റമുണ്ടാകില്ല. കേന്ദ്ര കാലാവസ്ഥ വകുപ്പ് നാളെയും കാസര്ഗോഡ്, കണ്ണൂര് ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി ആയിരിക്കുമെന്ന് ജില്ലാ കളക്ടര് എസ്. പ്രേം കൃഷ്ണനാണ് അറിയിച്ചത്.
അങ്കണവാടികള്, ട്യൂഷന് സെന്ററുകള് തുടങ്ങിയവയ്ക്കും അവധി ബാധകമായിരിക്കും. ഇടുക്കി ജില്ലയില് നാളെ റെഡ് അലര്ട്ട് പ്രഖ്യാപിച്ചിരിക്കുന്ന സാഹചര്യത്തില് അങ്കണവാടികള്, പ്രഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് വി. വിഗ്നേശ്വരി അവധി പ്രഖ്യാപിച്ചു.
റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ബാധകമായിരിക്കില്ല. വിദ്യാഭ്യാസ സ്ഥാപനങ്ങളില് യാതൊരു വിധത്തിലുള്ല അവധിക്കാല ക്ലാസ്സുകളും നടത്താന് പാടില്ല. മാതാപിതാക്കള് ജോലിക്കു പോകുന്ന കുട്ടികളുള്ള അങ്കണവാടികളില് അത്തരം കുട്ടികള് അവധി മൂലം വീട്ടില് ഒറ്റക്കാകുന്ന സാഹചര്യം ഒഴിവാക്കാന് അങ്കണവാടി അദ്ധ്യാപകര് പ്രത്യേകം ശ്രദ്ധിക്കേണ്ടതും, ഇതിനാവശ്യമായ നിര്ദേശങ്ങള് ഐ സി ഡി എസ് സൂപ്പര്വൈസര് അങ്കണവാടി അധ്യാപകര്ക്ക് നല്കേണ്ടതുമാണ്.