ബലാത്സംഗ കേസില് രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷയില് അടച്ചിട്ട കോടതിയില് വാദം തുടങ്ങി. രാഹുലിനെതിരെ പൊലീസ് റിപ്പോര്ട്ടില് ഗുരുതര പരാമര്ശങ്ങളാണുള്ളത്. രാഹുല് മാങ്കൂട്ടത്തില് മുന്കൂര് ജാമ്യഹര്ജിയില് അടച്ചിട്ട മുറിയില് വാദം നടത്തണമെന്ന് ആവശ്യപ്പെട്ടതോടെയാണ് കോടതി നടപടികള് അടച്ചിട്ട കോടതി മുറിയാലയത്. ബലാത്സംഗം നടത്തിയതിന് തെളിവുണ്ടെന്നാണ് പൊലീസ് റിപ്പോര്ട്ടിലുള്ളത്.
പൊലീസ് റിപ്പോര്ട്ട് കോടതിയില് നല്കി. തിരുവനന്തപുരം ജില്ലാ സെഷന്സ് കോടതിയാണ് രാഹുലിന്റെ മുന്കൂര് ജാമ്യ ഹര്ജി പരിഗണിക്കുന്നത്. സീല് ചെയ്ത കവറിലുള്ള റിപ്പോര്ട്ട് പൊലീ കോടതിയില് ഹാജരാക്കുകയായിരുന്നു. ഡോക്ടറുടെ ഉള്പ്പെടെ സാക്ഷി മൊഴികള് അടങ്ങിയ റിപ്പോര്ട്ടാണ് പൊലീസ് ഹാജരാക്കിയിരിക്കുന്നത്. ബലാത്സംഗം നടത്തിയതിന് തെളിവുണ്ടെന്നാണ് പൊലീസ് റിപ്പോര്ട്ടിലുള്ളത്. യുവതിയെ ഭീഷണിപ്പെടുത്തി ഗര്ഭഛിദ്രം നടത്തിയതിന് തെളിവുണ്ടെന്നും റിപ്പോര്ട്ടിലുണ്ട്. ഡിജിറ്റല് തെളിവുകള് അടക്കം പൊലീസ് കോടതിക്ക് കൈമാറും.
അടച്ചിട്ട മുറിയില് വാദം കേള്ക്കണമെന്നാണ് പ്രോസിക്യൂഷനും രാഹുല് മാങ്കൂട്ടത്തിലും ആവശ്യപ്പെട്ടിരുന്നത്. ഇതിന്റെ അടിസ്ഥാനത്തിലാണ് കോടതി അടച്ചിട്ട മുറിയില് വാദം കേള്ക്കാന് അനുവദിച്ചത്. മറ്റു കേസുകള് പരിഗണിച്ചശേഷം അവസാനമാണ് രാഹുല് മാങ്കൂട്ടത്തിലിന്റെ മുന്കൂര് ജാമ്യ ഹര്ജി പരിഗണിക്കുന്നത്.
മറ്റു കേസുകള് പരിഗണിച്ചശേഷം 11.40ഓടെയാണ് രാഹുൽ മാങ്കൂട്ടത്തിലിന്റെ മുൻകൂര് ജാമ്യ ഹര്ജിയിൽ നടപടികളാരംഭിച്ചത്. നേരത്തെ അവസാനമായിരിക്കും കേസ് പരിഗണിക്കുകയെന്നാണ് അറിയിച്ചിരുന്നതെങ്കിലും മറ്റു കേസുകള് പരിഗണിച്ച് മാറ്റിവെച്ചശേഷം രാഹുലിന്റെ മുൻകൂര് ജാമ്യ ഹര്ജി പരിഗണിക്കുകയായിരുന്നു.