മാസപ്പടി കേസില് തനിക്ക് ബന്ധമില്ലെന്ന് മുഖ്യമന്ത്രിയുടെ മകള് വീണ വിജയന്. താന് ഐടി പ്രൊഫഷണല് മാത്രമാണെന്നും രാഷ്ട്രീയ പാര്ട്ടികളുമായി തനിക്ക് ബന്ധമില്ലെന്നും വീണ വിജയന് പറഞ്ഞു. തന്റെ കമ്പനിയ്ക്കെതിരായ അന്വേഷണം രാഷ്ട്രീയ അജണ്ടയുടെ ഭാഗമാണെന്നും വീണ വിജയന് കൂട്ടിച്ചേര്ത്തു.
അതേസമയം മാസപ്പടി കേസില് സര്ക്കാരിനെതിരെ ഹാജരാക്കിയ തെളിവുകള് നിലനില്ക്കില്ലെന്ന് സംസ്ഥാന സര്ക്കാര് ഹൈക്കോടതിയെ അറിയിച്ചു. സംസ്ഥാന സര്ക്കാരും മുഖ്യമന്ത്രിയും സിഎംആര്എല്ലിന് അനുകൂലമായി ഒന്നും ചെയ്തിട്ടില്ല. മുഖ്യമന്ത്രിയ്ക്ക് എപ്പോള് വേണമെങ്കിലും യോഗം വിളിക്കാമെന്നും സര്ക്കാര് കോടതിയില് വ്യക്തമാക്കി.
കോസില് വിജിലന്സ് അന്വേഷണത്തിന്റെ ആവശ്യമില്ലെന്നും ആരോപണം രാഷ്ട്രീയ പ്രേരിതമാണെന്നും കഴിഞ്ഞ ദിവസം സര്ക്കാര് മറുപടി നല്കിയിരുന്നു. മുഖ്യമന്ത്രിയെ അനാവശ്യമായി കേസിലേക്ക് വലിച്ചിഴയ്ക്കുകയാണെന്നും സിഎംആര്എല്ലും എക്സാലോജിക്കും തമ്മിലുളള കരാര് ഇടപാടില് രണ്ട് കമ്പനികള്ക്കും പരാതിയില്ലെന്നും സംസ്ഥാന സര്ക്കാര് കോടതിയെ അറിയിച്ചു.