ചേര്ത്തല പാണാവള്ളി നാല്പ്പത്തെണ്ണീശ്വരം ക്ഷേത്രത്തില് വെടിമരുന്നിന് തീപിടിച്ചു. കുടുംബ ക്ഷേത്രമായ ഇവിടെ നാളെ സപ്താഹയജ്ഞത്തിന് വേണ്ടി സൂക്ഷിച്ച കതിനയ്ക്കാണ് തീപിടിച്ചത്. സംഭവത്തില് മൂന്ന് പേര്ക്ക് ഗുരുതരമായി പരിക്കേറ്റു. ഇവരെ
നെട്ടൂരിലെ സ്വകാര്യ ആശുപത്രിയില് പ്രവേശിപ്പിച്ചു.
ഓഫീസ് അറ്റകുറ്റപണിക്കിടെയാണ് അപകടം സംഭവിച്ചത്. അറ്റകുറ്റപ്പണിക്ക് വന്ന ജീവനക്കാര്ക്കാണ് പരിക്കേറ്റത്. ഗ്രില് വെല്ഡ് ചെയ്യവേ തീപ്പൊരി ചിതറിയതാണ് അപകടകാരണം.
ഓഫീസിന് ഒരു മീറ്റര് അകലെയായിരുന്നു വെടിമരുന്ന് സൂക്ഷിച്ച മുറി. സംഭവത്തില് വെടിമരുന്ന് സൂക്ഷിച്ചകെട്ടിടവും അമ്പലത്തിന്റെ ഓഫീസും പൂര്ണമായി തകര്ന്നു.