മലപ്പുറത്ത് പൊലീസ് പരിശോധനക്കിടെ മയക്കുമരുന്നുമായി അതിഥി തൊഴിലാളി പിടിയിൽ. ഉത്തർപ്രദേശ് സ്വദേശി മുഹമ്മദ് ഇർഫാൻ (26) എന്നയാളെയാണ് എക്സൈസ് അറസ്റ്റ് ചെയ്തത്. ഇയാളിൽ നിന്നും 10 ഗ്രാമിലധികം ഹെറോയിൻ പൊലീസ് കണ്ടെടുത്തു.
ഓപ്പറേഷൻ ക്ലീൻ സ്ലേറ്റിന്‍റെ ഭാഗമായി നടന്ന പൊലീസ് പരിശോധനക്കിടെയാണ് മഞ്ചേരിയിൽ വെച്ച് മുഹമ്മദ് ഇർഫാൻ അറസ്റ്റിയിലായത്. പരിശോധനക്കിടെ സംശയം തോന്നി യുവാവിനെ എക്സൈസ് തടയുകയായിരുന്നു.
മഞ്ചേരി എക്സൈസ് സർക്കിൾ ഓഫീസും, ഉത്തര മേഖല കമ്മീഷണർ സ്‌ക്വാഡും, മഞ്ചേരി റെയിഞ്ച് പാർട്ടിയും സംയുക്തമായി നടത്തിയ പരിശോധനയിലാണ് പ്രതി മയക്കുമരുന്നുമായി പിടിയിലായത്.
