ഭൂനികുതി വർധനവിൽ സർക്കാരിനെതിരെ രൂക്ഷവിമർശനവുമായി തലശ്ശേരി ആർച്ച് ബിഷപ്പ് മാർ ജോസഫ് പാംപ്ലാനി രംഗത്ത്. സർക്കാർ കർഷകരെ മാനിക്കുന്നില്ല എന്നതിന് തെളിവാണ് ഭൂനികുതി വർധനവെന്ന് പാംപ്ലാനി തുറന്നടിച്ചു. സർക്കാർ നിലപാട് കർഷക വിരുദ്ധമാണ്.
ഉദ്യോഗസ്ഥരുടെ ശമ്പളം കൂട്ടാൻ കർഷകരുടെ കഴുത്തിനു പിടിക്കുകയാണെന്നും കേന്ദ്ര സംസ്ഥാന ബജറ്റുകളിൽ മലയോര കർഷകർക്ക് ഒന്നുമില്ലെന്നും ആർച്ച് ബിഷപ്പ് ആരോപിച്ചു.
കർഷകൻറെ കൃഷി ഭൂമിയുടെ നികുതി വർധിപ്പിക്കുന്നത് സംസ്ഥാനത്തിൻറെ ഏറ്റവും വലിയ ആദായമാർഗമായി മന്ത്രി കരുതുന്നെങ്കിൽ കർഷകനെ നിങ്ങൾ മാനിക്കുന്നില്ലെന്നാണ് അർത്ഥം. കർഷകൻറെ മഹത്വം നിങ്ങൾ അറിയുന്നില്ല. കേന്ദ്ര സർക്കാരിൻറെ ബജറ്റിലാകട്ടെ കേരള സർക്കാരിൻറെ ബജറ്റിലാകട്ടെ രണ്ടിലും മലയോരത്തെ കർഷക ജനതയെ ചേർത്തുപിടിക്കുന്ന യാതൊരു നടപടിയും ഉണ്ടായിട്ടില്ലെന്നും ജോസഫ് പാംപ്ലാനി പറഞ്ഞു.
