കൊല്ലത്ത് ഗുണ്ടാ നേതാക്കളുടെ അസോസിയേഷൻ ഓഫീസ് തുറക്കാൻ ഉദ്ദേശിച്ച കെട്ടിടം സീൽ ചെയ്ത് പോലീസ്. കെട്ടിടത്തിന്റെ ഉടമയ്ക്കെതിരെ അന്വേഷണം. റീല് ചിത്രീകരിച്ച ഗുണ്ടകളുടെ അറസ്റ്റ് രേഖപ്പെടുത്തി. ഗുണ്ടകള്ക്ക് എതിരെ കാപ്പ ചുമത്തുന്നതും പരിഗണയിലെന്ന് പോലീസ്.
നിരവധി ക്രിമിനല് കേസുകളിലെ പ്രതികളാണ് കോളേജ് ജംഗ്ഷന് സമീപം ഓഫീസ് തുറക്കാന് പദ്ധതി ഇട്ടത്. ഓഫീസ് തുറക്കുന്നതിന് മുന്നോടിയായി ഗുണ്ടകള് യോഗം ചേര്ന്നു.
തോക്ക് ഉള്പ്പെടെയുള്ള മാരകായുധങ്ങളുമായാണ് യോഗത്തിന് ഗുണ്ടകള് എത്തിയത്. സംഘം ചേര്ന്നവര് കൊടും ക്രിമിനലുകളാണ്. ഇക്കഴിഞ്ഞ ജനുവരിയിലായിരുന്നു സംഭവം.