കരിപ്പൂര് അന്താരാഷ്ട്ര വിമാനത്താവളത്തില് വീണ്ടും വന് സ്വര്ണ വേട്ട. യാത്രക്കാരനില് നിന്ന് രണ്ടേമുക്കാല് കിലോ സ്വര്ണം പിടികൂടി. ബഹ്റൈനില് നിന്നെത്തിയ അബ്ദുസലാമാണ് സ്വര്ണം കടത്താന് ശ്രമിച്ചത്. ഇയാളെ പൊലീസ് കസ്റ്റഡിയില് എടുത്തു.
ബാലുശ്ശേരി സ്വദേശിയായ അബ്ദുസലാം എയര് ഇന്ത്യാ എക്സ്പ്രസ്സിലാണ് എത്തിയത്. മിശ്രിത രൂപത്തിലുള്ള 2018 ഗ്രാം സ്വര്ണ്ണം പ്ലാസ്റ്റിക് കവറിലാക്കി അരയില് കെട്ടിവച്ചും മൂന്നു സ്വര്ണ്ണ ഉരുളകള് ശരീരത്തിലെ രഹസ്യ ഭാഗത്ത് ഒളിപ്പിച്ചുമാണ് കടത്തിയത്.
കസ്റ്റംസ് പരിശോധന പൂര്ത്തിയാക്കി പുറത്തിങ്ങിയ ശേഷമാണ് പൊലീസ് സ്വര്ണം പിടികൂടിയത്. കരിപ്പൂരില് രണ്ടുമാസത്തിനിടെ 14 കോടിയുടെ സ്വര്ണമാണ് പൊലീസ് പിടിച്ചെടുത്തിരിക്കുന്നത്.