കഴിഞ്ഞ സെപ്റ്റംബർ 20-ന് പമ്പയില് നടന്ന ആഗോള അയ്യപ്പസംഗമത്തില് നടന്നത് വന് ക്രമക്കേടുകളെന്ന് റിപ്പോര്ട്ട്. അയ്യപ്പസംഗമത്തിന് നന്ദഗോവിന്ദം ഭജന്സിന്റെ പേരില് എട്ടു ലക്ഷത്തിന്റെ ബില്ലാണ് കണക്കില്പ്പെടുത്തിയത്. എന്നാല് ആ ദിവസം നന്ദഗോവിന്ദം ട്രൂപ്പിനെ സംഗമത്തിലേക്ക് ക്ഷണിക്കുകയോ അവര് എത്തുകയോ ചെയ്തിട്ടില്ല. സംഗമം നടന്ന ദിവസം രാവിലെ ഭക്തിഗാന സദസ്സാണ് നടന്നത്.
ദേവസ്വം ബോര്ഡ് ഹൈക്കോടതിയില് സമര്പ്പിച്ച ഓഡിറ്റ് റിപ്പോര്ട്ടില് നന്ദഗോവിന്ദം ഭജന്സിന്റെ പേരാണ് കാണിച്ചിരിക്കുന്നത്. പമ്പയിലോ സന്നിധാനത്തോ ഇതു വരെ പരിപാടികള് അവതരിപ്പിച്ചിട്ടില്ല എന്ന് നന്ദഗോവിന്ദം ഭജന്സിന്റെ പ്രവര്ത്തകര് വ്യക്തമാക്കി.
ഗായകന് ഇഷാന്ദേവിന്റെ നേതൃത്വത്തിലുള്ള സംഘമാണ് ഭക്തിഗാന സദസ് അവതരിപ്പിച്ചത്. ഇവർക്ക് എത്ര രൂപ നല്കിയെന്ന് റിപ്പോര്ട്ടില് വ്യക്തമല്ല. കലാപരിപാടിക്ക് രണ്ടു ലക്ഷം രൂപയുടെ ബജറ്റാണ് നിശ്ചയിച്ചിരുന്നത്. ഓഡിറ്റ് റിപ്പോർട്ടും ശബരിമല സ്പെഷ്യൽ കമ്മീഷണറുടെ റിപ്പോർട്ടും ഇപ്പോൾ ഹൈക്കോടതിയിലുണ്ട്.