ഗുണ്ടാ സംഘകളുമായുള്ള പൊലീസുകാരുടെ അടുത്തബന്ധം പുറത്തുവന്നതിനു പിന്നാലെ തിരുവനന്തപുരം മംഗലപുരം സ്റ്റേഷനില് കൂട്ട സ്ഥലമാറ്റം ഉണ്ടായേക്കും. എല്ലാ പൊലീസുകാരെയും മാറ്റാനാണ് തീരുമാനം. എസ്എച്ച്ഒ സജീഷിനെ നേരത്തെ സസ്പെന്ഡ് ചെയ്തിരുന്നു. ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് നടപടി.
ഇന്നു തന്നെ നടപടിക്ക് സാധ്യതയുണ്ട്. ഗുണ്ടാ ബന്ധമുള്ള ഡിവൈഎസ്പി മാര്ക്കെതിരായ നടപടി ശുപാര്ശ മുഖ്യമന്ത്രിക്ക് സമര്പ്പിച്ചിട്ടുണ്ട്. ഗുണ്ടാ ബന്ധമുള്ള പൊലീസുകാര്ക്കു നേരെ വിജിലന്സ് അന്വേഷണവും പ്രഖ്യാപിച്ചേക്കും.
സംസ്ഥാനത്തെ 160 എസ്എച്ചഒ മാര്ക്ക് സ്ഥലമാറ്റമുണ്ടാകും. പ്രവര്ത്തന വിലയിരുത്തലിന്റെ അടിസ്ഥാനത്തിലാകും മാറ്റം. ഇന്റലിജന്സ് വിഭാഗം പൊലീസുകാരുടെ ഗുണ്ടാ ബന്ധം സംബന്ധിച്ച റിപ്പോര്ട്ട് സംസ്ഥാന പൊലീസ് മേധാവിക്ക് സമര്പ്പിച്ചിട്ടുണ്ട്.
തലസ്ഥാനത്ത് ഒരിടവേളയ്ക്ക് ശേഷം സജീവമായ രണ്ട് ഗുണ്ടാനേതാക്കളെ പിടികൂടാന് ഇതുവരെ പൊലീസിന് കഴിഞ്ഞിട്ടില്ല. ഈ സാഹചര്യത്തിലാണ് ഗുണ്ടാ മാഫിയ ബന്ധമുള്ള പൊലീസുകാരക്കതിരെ നടപടി കടുപ്പിക്കുന്നത്.