എറണാകുളം – ബംഗളൂരു വന്ദേഭാരത് എക്സ്പ്രസ് സര്വീസ് ഉദ്ഘാടന ചടങ്ങില് വിദ്യാര്ത്ഥികള് ഗണഗീതം പാടിയതുമായി ബന്ധപ്പെട്ട വിവാദത്തില് സംഭവത്തില് അന്വേഷണം പ്രഖ്യാപിച്ച വിദ്യാഭ്യാസ മന്ത്രിയുടെ നടപടി അപലപനീയമെന്ന് എളമക്കര സരസ്വതി വിദ്യാനികേതന് പ്രിന്സിപ്പാള്. കുട്ടികള് പാടിയത് ദേശഭക്തിഗാനമാണെന്നാണ് സ്കൂള് പ്രിന്സിപ്പല് ഡിന്റോ കെപിയുടെ പ്രതികരണം. സ്കൂളിനെതിരേ നടപടിയുണ്ടാകുമെന്ന് പറഞ്ഞാല് ഭയപ്പെടില്ലെന്നാണ് പ്രിന്സിപ്പലിന്റെ പ്രതികരണം.
ഒപ്പം സംഭവത്തില് അന്വേഷണം പ്രഖ്യാപിച്ച വിദ്യാഭ്യാസ മന്ത്രിയുടെ നടപടി അപലപനീയമെന്ന് കൂടി സ്കൂള് പ്രിന്സിപ്പല് ഡിന്റോ കെപി പറഞ്ഞു. സ്കൂളിനെതിരേ നടപടിയുണ്ടാകുമെന്ന് പറഞ്ഞാല് ഭയപ്പെടില്ലെന്നും ഇതിന്റെ പേരില് കുട്ടികള്ക്ക് ബുദ്ധിമുട്ടുണ്ടായാല് നിയമപരമായി തന്നെ നേരിടുമെന്നും എളമക്കര സരസ്വതി വിദ്യാനികേതന് പ്രിന്സിപ്പാള് പറഞ്ഞു.
ഒരു മീഡിയയുടെ ആവശ്യപ്രകാരമാണ് കുട്ടികള് പാടിയതെന്നും ആദ്യം പാടിയത് വന്ദേ മാതരമാണെന്നും പിന്നീട് മലയാളം പാട്ട് പാടാമോ എന്ന് ചോദിച്ചപ്പോഴാണ് ഗണഗീതം ആലപിക്കുന്നതെന്നുമാണ് പ്രിന്സിപ്പാളിന്റെ വിശദീകരണം. ഗണഗീതത്തില് എവിടെയാണ് ദേശവിരുദ്ധതയുള്ളതെന്ന് വരെ എളമക്കര സരസ്വതി വിദ്യാനികേതന് പ്രിന്സിപ്പാള് ചോദിച്ചുകളഞ്ഞു. നമ്മളെല്ലാം ഒറ്റമനസ്സായി നില്ക്കണം എന്നാണ് ഗണഗീത സന്ദേശമെന്ന് കൂടി പ്രിന്സിപ്പല് കൂട്ടിച്ചേര്ത്തു.
ഗണഗീതം പാടിപ്പിച്ചതുമായി ബന്ധപ്പെട്ട വിവാദം അതീവ ഗൗരവത്തോടെയാണ് സര്ക്കാര് കാണുന്നതെന്നും, സംഭവം സംബന്ധിച്ച് ഉടന് റിപ്പോര്ട്ട് സമര്പ്പിക്കാന് പൊതുവിദ്യാഭ്യാസ ഡയറക്ടര്ക്ക് നിര്ദേശം നല്കിയിട്ടുണ്ടെന്നും പൊതുവിദ്യാഭ്യാസ മന്ത്രി വി ശിവന്കുട്ടി പറഞ്ഞു. ഇതിന് പിന്നാലെയാണ് അന്വേഷണം പ്രഖ്യാപിച്ച വിദ്യാഭ്യാസ മന്ത്രിയുടെ നടപടി അപലപനീയമെന്ന് കൂടി സ്കൂള് പ്രിന്സിപ്പല് ഡിന്റോ കെപി പറഞ്ഞിരിക്കുന്നത്.