തിരുവനന്തപുരത്ത് അന്തരിച്ച ഡിവൈഎഫ്ഐ നേതാവ് പി ബിജുവിന്റെ പേരില് പിരിച്ച ഫണ്ടില് തിരിമറി നടന്നെന്ന ആരോപണത്തില് പ്രതികരണവുമായി ഡിവൈഎഫ്ഐ സംസ്ഥാന സെക്രട്ടറി വി.കെ സനോജ്. ഇതുമായി ബന്ധപ്പെട്ട് സ്റ്റേറ്റ് കമ്മറ്റിക്കോ ജില്ലാ കമ്മിറ്റിക്കോ പരാതി ലഭിച്ചിട്ടില്ല. ഡിവൈഎഫ്ഐയെ അപകീര്ത്തിപ്പെടുത്താനുള്ള ബോധപൂര്വ്വമായ ശ്രമമാണ് നടക്കുന്നതെന്നും അദ്ദേഹം പറഞ്ഞു.
ചിലര് തെറ്റായ വാര്ത്ത പ്രചരിപ്പിക്കുകയാണ്. അവര്ക്കെതിരെ നിയമനടപടി സ്വീകരിക്കുമെന്നും സനോജ് പറഞ്ഞു. കഴിഞ്ഞ ദിവസമാണ് ഫണ്ട് തട്ടിപ്പ് വിവാദം ചര്ച്ചയായത്. ഡിവൈഎഫ്ഐ തിരുവനന്തപുരം ജില്ലാ വൈസ് പ്രസിഡന്റ് എസ് ഷാഹിനെതിരെ ആയിരുന്നു ആരോപണം. പി ബിജുവിന്റെ സ്മരണാര്ഥം തിരുവനന്തപുരം മെഡിക്കല് കോളേജില് റെഡ്കെയര് സെന്റര് തുടങ്ങാന് തീരുമാനമായിരുന്നു. ഇതിന് വേണ്ടിയാണ് പിരിവ് നടത്തിയത്.
രണ്ടര ലക്ഷം രൂപ വീതം ഒരോ മേഖലാകമ്മിറ്റിയും പിരിച്ചു നല്കണമെന്നായിരുന്നു നിര്ദ്ദേശം. പതിനൊന്ന് ലക്ഷത്തിലധികം രൂപയാണ് പാളയം ബ്ലോക്ക് കമ്മിറ്റിയില് നിന്ന് പിരിച്ചെടുത്തത്. ഇതില് ആറ് ലക്ഷം രൂപ റെഡ്കെയര് സെന്ററനായി ഉപയോഗിച്ചു. എന്നാല് ബാക്കി വരുന്ന തുകയെ സംബന്ധിച്ച യാതൊരു വിധ കണക്കുകളും പാളയം ബ്ലോക്ക് കമ്മിറ്റി വ്യക്തമാക്കിയിട്ടില്ല. ഇവരുടെ അക്കൗണ്ടിലേക്ക് ഈ തുക വന്നിട്ടുമില്ലെന്നുമാണ് ആരോപണം.