മലപ്പുറത്തെ അധ്യാപകന് കെവി ശശികുമാറിനെതിരെ ഒരു പോക്സോ കേസ് ഉള്പ്പെടെ നാലു കേസുകള് കൂടി. ഇന്നലെ ലഭിച്ച പരാതിയിലാണ് പോക്സോ കേസ് രജിസ്റ്റര് ചെയ്തത്.
മലപ്പുറം സെന്റ് ജെമ്മാസ് സ്കൂളില് അധ്യാപകനായിരുന്ന കെ.വി.ശശികുമാറിനെതിരെയും സ്കൂള് അധികൃതര്ക്കെതിരെയും പൂര്വ വിദ്യാര്ത്ഥികള് ഉയര്ത്തിയ ആരോപണങ്ങള് ഞെട്ടിപ്പിക്കുന്നതാണെന്ന് എസ്എഫ്ഐ മലപ്പുറം ജില്ലാ കമ്മിറ്റി പ്രതികരിച്ചു. മലപ്പുറത്തെ മുന് നഗരാസഭാംഗം കൂടിയായ കെ വി ശശികുമാര് അധ്യാപകനായിരിക്കെ കുട്ടികളെ പീഡിപ്പിച്ചു എന്നാണ് പരാതി ഉയര്ന്നത്.
ആറാം ക്ലാസുകാരിയിരിക്കെ തന്റെ ശരീര ഭാഗങ്ങളില് സ്പര്ശിച്ചതായി കാണിച്ച് പെണ്കുട്ടി നല്കിയ പരാതിയിലാണ് കെ വി ശശികുമാറിനെതിരെ പൊലീസ് പോക്സോ കേസ് ചുമത്തിയത്. തുടര്ച്ചയായ വര്ഷങ്ങളില് ഇയാള് ഇതേ തരത്തില് ലൈംഗിക ചൂഷണത്തിന് ശ്രമിച്ചതായി പരാതിയിലുണ്ട്.
കാലങ്ങളായി അധ്യാപകന് കുട്ടികളെ ചൂഷണം ചെയ്യുന്നുണ്ടെന്ന് കഴിഞ്ഞ ദിവസം പൂര്വ്വവിദ്യാര്ത്ഥികള് ആരോപിച്ചിരുന്നു. 1992 മുതലുള്ള പരാതികള് ഇതിലുണ്ട്.