കൊച്ചി നഗരത്തിലെ അങ്കണവാടിയില് ഭക്ഷ്യവിഷബാധ. 12 കുട്ടികള്ക്കാണ് ഭക്ഷ്യവിഷബാധയുണ്ടായത്. പൊന്നുരുന്നി ഈസ്റ്റ് നാരായണാശാൻ റോഡിലുള്ള അങ്കണവാടിയിലെ കുട്ടികള്ക്ക് വ്യാഴാഴ്ചയാണ് ഭക്ഷ്യവിഷബാധയേറ്റത്.
കുട്ടികള്ക്ക് വയറിളക്കവും ഛര്ദിയും ഉണ്ടായതോടെ ചികിത്സ തേടി. രോഗവ്യാപനം കുടിവെള്ളത്തില്നിന്നാണെന്ന് നാട്ടുകാര് പറഞ്ഞു.അങ്കണവാടിയിലേക്കുള്ള വാട്ടർ ടാങ്കിൽ ചത്ത പാറ്റകളെ കണ്ടെത്തിയതായും ആരോപണമുണ്ട്.
ആരോഗ്യവകുപ്പ് അധികൃതരെത്തി പരിശോധന നടത്തുകയും വെള്ളത്തിന്റെ സാംപിൾ ശേഖരിക്കുകയും ചെയ്തു.