സംസ്ഥാനത്ത് മഴക്കെടുതിയില് വലയുന്നവര്ക്ക് സര്ക്കാരിന്റെ അടിയന്തര സഹായം. വീട് പൂര്ണമായി നഷ്ടപ്പെട്ടവര്ക്ക് നാലുലക്ഷം രൂപയും, വീടും സ്ഥലവും നഷ്ടപ്പെട്ടവര്ക്ക് പത്ത് ലക്ഷം രൂപ വീതവും ധനസഹായം നല്കാന് മന്ത്രിസഭായോഗം തീരുമാനിച്ചു. അടിയന്തിരസഹായമായി 10,000 രൂപ നല്കം.
ദുരിതബാധിതരുടെ പട്ടിക അടിയന്തരമായി തയ്യാറാക്കാന് വില്ലേജ് ഓഫീസര്മാര്ക്കും പഞ്ചായത്ത് സെക്രട്ടറിമാര്ക്കും നിര്ദ്ദേശം നല്കിയിട്ടുണ്ട്.
അതേ സമയം സംസ്ഥാനത്ത് മഴക്കെടുതിയില് ഇതുവരെ മരിച്ചവരുടെ എണ്ണം 95 ആയി. ഉരുള്പൊട്ടല് വന്ദുരന്തം വിതച്ച കവളപ്പാറയില് ഇന്നലെ കണ്ടെത്തിയത് നാല് മൃതദേഹങ്ങളാണ്. ഇതോടെ കവളപ്പാറയില് 23 പേരുടെ മരണം സ്ഥിരീകരിച്ചു. ഇനി 36 പേരെയാണ് കവളപ്പാറയില് നിന്ന് കണ്ടെത്താനുള്ളത്.