പാലാ എംഎല്എ മാണി സി കാപ്പന് വധഭീഷണി മുഴക്കിയെന്ന് എന്ന് മുംബൈ വ്യവസായി ദിനേശ് മേനോന്. മുംബൈ ബോറിവില്ലി കോടതിയില് വച്ചാണ് വധഭീഷണി മുഴക്കിയത്. സാമ്പത്തിക തട്ടിപ്പ് കേസുമായി ബന്ധപ്പെട്ട് ഇന്നലെ കോടതിയില് എത്തിയപ്പോഴാണ് മാണി സി കാപ്പന് ഭീഷണിപ്പെടുത്തിയത് എന്നാണ് പരാതിക്കാരന് പറയുന്നത്.
കോടതി പിരിഞ്ഞതിന് പിന്നാലെ വരാന്തയില് വച്ച് കേസ് വേഗം സെറ്റില് ചെയ്തില്ലെങ്കില് നാട്ടില് എത്തിയാല് തട്ടിക്കളയും എന്ന് മാണി സി കാപ്പന് പറഞ്ഞു. സഭവത്തില് മുംബൈ പൊലീസില് പരാതി നല്കുമെന്നും ദിനേശ് അറിയിച്ചു.
മാണി സി കാപ്പന് സാമ്പത്തിക തട്ടിപ്പ് കേസില് കേസില് പാലാ എം എല് എ മാണി സി കാപ്പന് സുപ്രീംകോടതി നേരത്തെ നോട്ടീസ് അയച്ചിരുന്നു. മുംബൈ വ്യവസായിയായ ദിനേശ് മേനോന് നല്കിയ ഹര്ജിയിലാണ് മാണി സി കാപ്പന് സുപ്രീംകോടതി നോട്ടീസ് അയച്ചത്.
കണ്ണൂര് വിമാനത്താവളത്തിന്റെ ഓഹരി നല്കാമെന്ന് വാഗ്ദാനം നല്കി മാണി സി കാപ്പന് 3.25 കോടി രൂപ തട്ടിയെന്നാണ് ദിനേശ് മേനോന്റെ പരാതി. വഞ്ചന, ഗൂഢാലോചന എന്നീ കുറ്റങ്ങള് ചുമത്തിയാണ് എറണാകുളം ഫസ്റ്റ് ക്ലാസ് ജുഡീഷ്യല് മജിസ്ട്രീറ്റ് കോടതി മാണി സി കാപ്പനെതിരെ കേസെടുത്തത്.
പ്രാഥമികമായി കുറ്റങ്ങള് നില നില്ക്കുമെന്നായിരുന്നു കോടതിയുടെ നിരീക്ഷണം. എന്നാല് പിന്നീട് ഈ കേസിലെ നടപടികള് ഹൈക്കോടതി സ്റ്റേ ചെയ്തു.