കാസർഗോഡ് കോയിപ്പാടിയിൽ വാഹന പരിശോധനക്കിടെ കഞ്ചാവുമായി യുവാവ് പിടിയിൽ. ബംബ്രാണ സ്വദേശിയായ സുനിൽകുമാർ.എം (35) ആണ് അറസ്റ്റിലായത്. സ്കൂട്ടറിൽ കടത്തിക്കൊണ്ട് വന്ന 4 കിലോഗ്രാമിലധികം കഞ്ചാവുമായാണ് ഇയാൾ പിടിയിലായത്.
കാസർഗോഡ് എക്സൈസ് സ്പെഷ്യൽ സ്ക്വാഡിലെ എക്സൈസ് ഇൻസ്പെക്ടർ ജോസഫ്.ജെ യും പാർട്ടിയും ചേർന്ന് നടത്തിയ പരിശോധനയിലാണ് പ്രതിയെ പിടികൂടിയത്. വാഹനപരിശോധനക്കിടെ ബ്ലാക്ക് ആക്ടീവ സ്കൂട്ടറിലെത്തിയ സുനിൽകുമാർ എക്സൈസ് സംഘത്തെ കണ്ട് പരുങ്ങി. സംശയം തോന്നി വാഹനം പരിശോധിച്ചപ്പോഴാണ് സീറ്റിനടിയിൽ ഒളിപ്പിച്ച കഞ്ചാവ് പിടികൂടിയത്.
അസിസ്റ്റൻറ് എക്സൈസ് ഇൻസ്പെക്ടർ (ഗ്രേഡ്) സി.കെ.വി.സുരേഷ്, പ്രിവൻ്റീവ് ഓഫീസർ(ഗ്രേഡ്)മാരായ പ്രശാന്ത് കുമാർ, അജീഷ്.സി, സിവിൽ എക്സൈസ് ഓഫീസർമാരായ അതുൽ.ടി.വി, സതീശൻ.കെ, വനിത സിവിൽ എക്സൈസ് ഓഫീസർ സജ്ന, സിവിൽ എക്സൈസ് ഓഫീസർ ഡ്രൈവർ സജീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.