സുപ്രീം കോടതിയുടെ വിധിയുടെ അടിസ്ഥാനത്തിൽ എറണാകുളത്തെ മരടിലെ 5 ഫ്ലാറ്റുകൾ പൊളിക്കുന്നതിനെതിരെ പ്രധാനമന്ത്രി നരേന്ദ്ര മോദിക്ക് കത്തയച്ച് കേരളത്തിൽ നിന്നുള്ള എം.പിമാർ. വിഷയത്തിൽ അടിയന്തരമായി ഇടപെടണമെന്ന് ആവശ്യപ്പെട്ടാണ് കേരളത്തിൽ നിന്നുള്ള 17 എം.പി മാർ ഒപ്പിട്ട കത്ത് പ്രധാനമന്ത്രിക്ക് അയച്ചത്.
കത്തിന്റെ പകർപ്പ് കേന്ദ്ര നിയമകാര്യ വകുപ്പ് മന്ത്രി രവിശങ്കർ പ്രസാദ് കേന്ദ്ര വനം പരിസ്ഥിതി മന്ത്രി പ്രകാശ് ജാവദേക്കർ കേരളത്തിൽ നിന്നുള്ള കേന്ദ്ര മന്ത്രി വി.മുരളീധരൻ മുഖ്യമന്ത്രി പിണറായി വിജയൻ എന്നിവർക്കും അയച്ചിട്ടുണ്ട്. കേരളത്തിൽ നിന്നുള്ള ഏക ഇടതുപക്ഷ എം.പി എ.എം ആരിഫും കത്തിൽ ഒപ്പു വെച്ചിട്ടുണ്ട്.
സ്ഥലത്തില്ലാത്തതിനാൽ രാഹുൽ ഗാന്ധിയും, വിഷയത്തിൽ ഭിന്നാഭിപ്രായമുള്ള എൻ.കെ പ്രേമചന്ദ്രനും ടി.എൻ പ്രതാപനും കത്തിൽ ഒപ്പുവെച്ചിട്ടില്ല. ഹൈബി ഈഡൻ എം.പി മുൻകൈയെടുത്താണ് പ്രധാനമന്ത്രിക്ക് കത്തയച്ചിരിക്കുന്നത്.