എറണാകുളം പെരുമ്പാവൂരില്‍ തിയേറ്റര്‍ ജീവനക്കാരന്‍ തീകൊളുത്തി മരിച്ച നിലയില്‍. തമിഴ്നാട് തിരുവണ്ണാമല സ്വദേശിയായ മണികണ്ഠനാണ് (29) മരിച്ചത്. പെരുമ്പാവൂര്‍ ഇവിഎം തിയേറ്ററിനകത്താണ് മണികണ്ഠനെ തീ കൊളുത്തി മരിച്ച നിലയില്‍ കണ്ടെത്തിയത്. ഇന്ന് രാവിലെ 7.30 നാണ് സംഭവം.
പെട്രോള്‍ ഒഴിച്ച് തീ കൊളുത്തിയതാണെന്നാണ് പ്രാഥമിക നിഗമനം. മൃതദേഹത്തിന് സമീപത്ത് നിന്ന് കന്നാസും ലൈറ്ററും കണ്ടെടുത്തിട്ടുണ്ട്. കഴിഞ്ഞ എട്ട് വര്‍ഷമായി തിയേറ്ററില്‍ ജോലി ചെയ്ത് വരികയായിരുന്നു മണികണ്ഠന്‍. മരണ കാരണം സംബന്ധിച്ച് വിശദമായ വിവരങ്ങള്‍ ലഭ്യമല്ല.
