സ്വപ്ന സുരേഷുമായി സംസാരിച്ചിട്ടില്ലെന്ന് എ.ഡി.ജി.പി വിജയ് സാഖറെ. ഷാജ് കിരണിനെ അറിയില്ലെന്നും കേസുമായി ബന്ധപ്പെട്ട് ആരോടും സംസാരിച്ചിട്ടില്ലെന്നും എ.ഡി.ജി.പി പറഞ്ഞു.
കേസില് സ്വപ്ന ഇന്ന് വൈകുന്നേരം പുതിയ വെളിപ്പെടുത്തലുകള് നടത്തിയിരുന്നു. സരിത്തിനെ പിടിച്ചുകൊണ്ടുപോകുമെന്നു തലേദിവസം തന്നെ ഷാജ് കിരണ് പറഞ്ഞിരുന്നെന്ന് സ്വപ്ന സുരേഷ് പറഞ്ഞു.
‘എടാ, സരിത്തേ, ഇയാളെ നാളെ പൊക്കും..’ എന്ന് ഷാജ് കിരണ് തലേ രാത്രി തന്നെ പറഞ്ഞിരുന്നു. ഇതിന് പിന്നാലെയാണ് സരിത്തിനെ തട്ടിക്കൊണ്ടുപോകുന്നത്. ഇതില് നിന്ന് എന്ത് മനസ്സിലാക്കണം. കൊണ്ടുപോയത് വിജിലന്സ് ആണെന്ന് മീഡിയ റിപ്പോര്ട്ട് ചെയ്യും മുന്പ് തന്നെ ഷാജ് എന്നോട് പറഞ്ഞു. ഇതില് നിന്നും വ്യക്തമല്ലേ എല്ലാം.’
‘മണിക്കൂറുകളോളം എന്നെ മാനസികമായി പീഡിപ്പിക്കുകയായിരുന്നു. ഒട്ടേറെ കേസുകള് തലയില് വച്ചുതരുമെന്നും അറസ്റ്റ് ഉണ്ടാകുമെന്നും പറഞ്ഞ് ഭീഷണിപ്പെടുത്തി.’
‘മുഖ്യമന്ത്രിയുടെ ശബ്ദമായ നികേഷ് കുമാറിനോടു സംസാരിക്കണമെന്ന് ഷാജ് കിരണ് പറഞ്ഞു. കോടതിയില് നല്കിയ രഹസ്യമൊഴി പിന്വലിക്കണമെന്നും ആവശ്യപ്പെട്ടു. എല്ലാത്തിന്റേയും വോയിസ് റെക്കോര്ഡ് കൈയിലുണ്ട്. നാളെ പുറത്തുവിടും’ സ്വപ്ന പറഞ്ഞു.