നടൻ ദേവന്റെ കേരള പീപ്പിൾസ് പാർട്ടി ബിജെപിയിൽ ലയിച്ചു. ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ നയിച്ച വിജയ് യാത്രയുടെ സമാപനവേദിയിൽ കേന്ദ്ര അഭ്യന്തര മന്ത്രി അമിത്ഷായാണ് ദേവന് ബിജെപി പതാക നൽകി പാർട്ടിയിലേക്ക് സ്വീകരിച്ചത്.
ദേവന് പുറമെ, യൂത്ത് കോണ്ഗ്രസ് മുൻ സംസ്ഥാന ഉപാദ്ധ്യക്ഷനും പന്തളം ഗ്രാമപഞ്ചായത്ത് മുൻ അദ്ധ്യക്ഷനും മുൻ മന്ത്രി പന്തളം സുധാകരന്റെ സഹോദരനുമായ പന്തളം പ്രതാപൻ, മുൻ ഐഎഎസ് ഉദ്യോഗസ്ഥനും തിരുവനന്തപുരം, ആലപ്പുഴ ജില്ലാ കളക്ടറുമായിരുന്ന കെ.വി.ബാലകൃഷ്ണൻ, സംവിധായകൻ വിനു കരിയത്ത്, നടി രാധ തുടങ്ങിയവരും ബിജെപിയിൽ ചേർന്നു.
വിജയ യാത്ര സമാപന വേദിയിലാണ് ദേവനടക്കമുളളവർ ബിജെപി അംഗത്വം സ്വീകരിച്ചത്. വേദിയിൽ ശോഭ സുരേന്ദ്രൻ, സുരേഷ് ഗോപി എന്നിവരും സന്നിഹിതരായിരുന്നു.