കേരളം മുഖ്യമന്ത്രി പിണറായി വിജയന് കത്തയച്ച് കർണാടക മുഖ്യമന്ത്രി സിദ്ധരാമയ്യ. വയനാട് മേപ്പാടിയിലെ മുണ്ടൈക്ക, ചൂരൽമല ഉരുള്പൊട്ടൽ ദുരന്ത ബാധിതര്ക്ക് വീട് വെച്ച് നൽകാമെന്ന കര്ണാടക സര്ക്കാരിന്റെ വാഗ്ദാനത്തിൽ കേരള സര്ക്കാർ ഇതുവരെ മറുപടി നൽകാത്ത സാഹചര്യത്തിലാണ് കത്തയച്ചത്. വാഗ്ദാനം നടപ്പാക്കാൻ സർക്കാർ ഇപ്പോഴും തയാറാണെന്നും കത്തിൽ പറയുന്നു.
വയനാട് ദുരന്തത്തിന് പിന്നാലെ പുനരധിവാസ പദ്ധതിയുടെ ഭാഗമായി 100 വീടുകള് വെച്ച് നൽകാമെന്ന് കര്ണാടക സര്ക്കാര് അറിയിച്ചിരുന്നു. എന്നാൽ കേരള സർക്കാർ ഇതിന് മറുപടിയൊന്നും നൽകിയില്ലെന്ന് സിദ്ധരാമയ്യ കത്തിൽ പറയുന്നു. കേരള ചീഫ് സെക്രട്ടറി തലത്തിലും വിഷയം സംസാരിച്ചിരുന്നുവെന്നും വാഗ്ദാനം നടപ്പാക്കാൻ ഇപ്പോഴും തയ്യാര് ആണെന്നും സിദ്ധരാമയ്യ പറയുന്നു.
സര്ക്കാരിന് നൽകിയ വാഗ്ദാനത്തിൽ നാളിതുവരെയായിട്ടും മറുപടി ലഭിക്കാത്തതിനാൽ പദ്ധതി നടപ്പാക്കാൻ കഴിയാത്ത സാഹചര്യമാണുള്ളതെന്നും ഇപ്പോഴും വീട് നിര്മിക്കാനുള്ള സ്ഥലം പണം കൊടുത്ത് വാങ്ങാനും നിര്മാണം നടത്താനും കര്ണാടക സര്ക്കാര് തയ്യാറാണെന്നും കത്തിൽ സിദ്ധരാമയ്യ വ്യക്തമാക്കിയിട്ടുണ്ട്.