കൊച്ചി നഗരത്തില് പട്ടാപ്പകല് ആത്മഹത്യയ്ക്ക് ശ്രമിച്ച് യുവതി. ഇന്നു രാവിലെ 11.30ന് ദേശാഭിമാനി ജംക്ഷനില് വച്ചാണ് സംഭവമുണ്ടായത്. ക്രൈം വാരികയുടെ എഡിറ്റര് ടി.പി.നന്ദകുമാര് തന്റെ ജീവിതം തകര്ത്തെന്ന് ആരോപിച്ചായിരുന്നു യുവതിയുടെ ആത്മഹത്യാ ശ്രമം.
ക്രൈം നന്ദകുമാറിന്റെ ഓഫിസിലെ മുന് ജീവനക്കാരിയാണ് ആത്മഹത്യയ്ക്ക് ശ്രമിച്ചത്. കൈയില് കരുതിയിരുന്ന പെട്രോള് ദേഹത്തൊഴിച്ച് തീകൊളുത്താനായിരുന്നു യുവതിയുടെ ശ്രമം. ഇതുകണ്ട നാട്ടുകാര് അവസരോചിതമായി ഇടപെട്ട് ശ്രമം തടഞ്ഞു. തുടര്ന്ന് യുവതിയെ നാട്ടുകാരും പൊലീസും ചേര്ന്ന് ആശുപത്രിയില് പ്രവേശിപ്പിച്ചു.
തന്നെ കുറിച്ചുള്ള വാര്ത്ത ക്രൈം നന്ദകുമാര് അദ്ദേഹത്തിന്റെ ചാനലില് നല്കിയെന്നും മകളുടെ ദൃശ്യങ്ങള് ഉള്പ്പെടെ പകര്ത്തി പ്രചരിപ്പിക്കുമെന്ന് ഭീഷണി മുഴക്കിയെന്നും യുവതി നേരത്തേ പൊലീസില് പരാതി നല്കിയിട്ടുണ്ട്.