ഭാരത് ജോഡോ യാത്ര കേരളത്തിലെ നേതാക്കള് തമ്മിലുള്ള അഭിപ്രായ വ്യത്യാസങ്ങള് മാറാന് സഹായിച്ചെന്ന് കെ. മുരളീധരന്. നേതാക്കള് തമ്മില് മനസിക ഐക്യം ഉണ്ടായെന്നും യാത്ര യുഡിഎഫിന് അടുത്ത തിരഞ്ഞെടുപ്പുകള്ക്കുള്ള അടിത്തറ പാകിയെന്നും അദ്ദേഹം പറഞ്ഞു.
യാത്രയെ അപഹസിക്കാന് സിപിഎം നടത്തിയത് ബോധപൂര്വമായ ശ്രമങ്ങള് ആണ്. ചീപ്പ് പോപ്പുലാരിറ്റിക്ക് വേണ്ടി സിപിഎം വൃത്തികേടുകള് കാണിച്ചു. മുഖ്യമന്ത്രിയും അത്തരത്തിലേക്ക് തരം താണു. എഐസിസി പ്രസിഡന്റ് പ്രതിസന്ധി രണ്ടു ദിവസത്തിനകം തീരുമെന്നും കെ. മുരളീധരന് പറഞ്ഞു
രാഹുല് ഗാന്ധി നയിക്കുന്ന ഭാരത് ജോഡോ യാത്രയുടെ കേരളത്തിലെ പര്യടനം ഇന്ന് അവസാനിക്കും. 19 ദിവസത്തെ കേരളത്തിലെ യാത്രയ്ക്ക് ശേഷം കര്ണാടകയിലേക്കാണ് യാത്ര പ്രവേശിക്കുക. സെപ്റ്റംബര് 30ന് ഗുണ്ടല്പേട്ടയില് നിന്ന് 21 ദിവസത്തെ കര്ണാടക പര്യടനം ആരംഭിക്കും.