സിപിഎം സംസ്ഥാന സെക്രട്ടറി എം വി ഗോവിന്ദന് നയിക്കുന്ന ജനകീയ പ്രതിരോധ ജാഥയില് പങ്കെടുക്കാന് കുട്ടനാട്ടിലും ഭീഷണി. ജാഥയ്ക്ക് എത്തിയില്ലെങ്കില് ജോലിയുണ്ടാവില്ല എന്ന് കൈനകരി ലോക്കല് സെക്രട്ടറി ചുമട്ടുതൊഴിലാളികളെ ഭീഷണിപ്പെടുത്തുന്ന ശബ്ദ സന്ദേശം പുറത്തുവന്നു. കായല് മേഖലയില് നെല്ല് ചുമക്കുന്ന തൊഴിലാളികള്ക്കാണ് മുന്നറിയിപ്പ്.
കായല് മേഖലയില് ജോലി ചെയ്യുന്ന ചുമട്ടു തൊഴിലാളികള്ക്കാണ് ഭീഷണി. ചുമട്ടുകാരായ 172 തൊഴിലാളികളോടും ജാഥയ്ക്കെത്താന് നിര്ദേശം നല്കി. ഇവരില് പകുതിപ്പേരും ഒരു രാഷ്ട്രീയ പാര്ട്ടിയുടെയും അംഗങ്ങളല്ല.
അസൗകര്യം പറഞ്ഞ തൊഴിലാളിയോട് ജോലിയുണ്ടാവില്ലെന്ന് കൈനകരി നോര്ത്ത് ലോക്കല് സെക്രട്ടറി പ രതീശന് മുന്നറിയിപ്പ് നല്കി. ജാഥയ്ക്കെത്തിയവര് ഹാജര് രേഖപ്പെടുത്തണന്നും തൊഴിലാളികള്ക്ക് നിര്ദേശമുണ്ട്.
ഇന്ന് ഉച്ചകഴിഞ്ഞാണ് എം വി ഗോവിന്ദന് നയിക്കുന്ന ജാഥ കുട്ടനാട്ടിലെത്തുന്നത്.