പരസ്യ പ്രസ്താവന വിലക്കിയിട്ടും നേതാക്കള് പരസ്പരം പഴിചാരുന്നത് അംഗീകരിക്കാന് കഴിയില്ലെന്നും കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന്. കോണ്ഗ്രസ് ചന്ത അല്ലെന്ന് നേതാക്കള് ഓര്ക്കണമെന്ന് മുല്ലപ്പള്ളി പറഞ്ഞു. തിരഞ്ഞെടുപ്പില് സംഭവിച്ച തോല്വി ഈ മാസം മുപ്പതിന് ചേരുന്ന രാഷ്ട്രീയകാര്യ സമിതി വിശദമായി ചര്ച്ച ചെയ്യുമെന്നും മുല്ലപ്പള്ളി വ്യക്തമാക്കി.
ഉപതിരഞ്ഞെടുപ്പ് നടന്ന അഞ്ച് ജില്ലകളിലേയും ജില്ലാ കോണ്ഗ്രസ് കമ്മിറ്റിയുടെ അടിയന്തിരയോഗം വിളിക്കും. പാര്ട്ടിക്ക് എന്തുകൊണ്ടാണ് ക്ഷീണം സംഭവിച്ചതെന്ന് വിശകലനം ചെയ്യും. ഈ വിഷയത്തില് അതിനപ്പുറമൊരു ചര്ച്ച ആവശ്യമില്ലെന്നും മുല്ലപ്പള്ളി വ്യക്തമാക്കി.
പാര്ട്ടിയെ ഒരു ചന്തയാക്കി മാറ്റാന് സാധ്യമല്ലെന്ന് ബോധ്യപ്പെടുത്തും. ഇതു സംബന്ധിച്ച് ഇനിയാരെങ്കിലും പരസ്യമായി അഭിപ്രായപ്രകടനം നടത്തിയാല് അത് ഗുരുതരമായ അച്ചടക്കലംഘനമായി നോക്കിക്കാണും. എല്ലാ നേതാക്കളുമായി ചര്ച്ച നടത്തിയ ശേഷമാണ് ഇക്കാര്യം വ്യക്തമാക്കുന്നതെന്നും മുല്ലപ്പള്ളി കൂട്ടിച്ചേര്ത്തു.