സിപിഎം പാര്‍ട്ടി കോണ്‍ഗ്രസിന്റെ രാഷ്ട്രീയ പ്രമേയ ചര്‍ച്ചയില്‍ കോണ്‍ഗ്രസിനെ രൂക്ഷമായി വിമര്‍ശിച്ച് വ്യവസായ മന്ത്രി പി.രാജീവ്. ദേശീയ തലത്തില്‍ ബിജെപിയെ നേരിടാനുള്ള ശേഷിയില്ലെന്നാണ് അദ്ദേഹം പറഞ്ഞത്.
ഇപ്പോഴത്തെ സാഹചര്യത്തില്‍ കോണ്‍ഗ്രസിനെ മുന്‍ നിര്‍ത്തി ബിജെപിക്ക് എതിരെ ഒരു ബദല്‍ഡ സാധ്യമല്ല. അടുത്തിടെ നടന്ന് നിയമസഭാ തിരഞ്ഞെടുപ്പുകളില്‍ നിന്ന് അത് വ്യക്തമായി. കോണ്‍ഗ്രസിന്റെ അടിത്തറ ഇളകിയെന്നും സംഘടനാശേഷി ദുര്‍ബലമായെന്നും മന്ത്രി പറഞ്ഞു.
ഹിന്ദു രാഷ്ട്രത്തിന് വേണ്ടി വാദിക്കുന്ന തലത്തിലേക്ക് രാഹുല്‍ഗാന്ധിയുടെ നിലപാടുകള്‍ മാറി. അദ്ദേഹത്തിന്റെ ഹിന്ദുത്വ രാഷ്ട്ര നിലപാടും മൃദു ഹിന്ദുത്വവും ദോഷം ചെയ്യുമെന്നും പി രാജീവ് കൂട്ടിച്ചേര്‍ത്തു.
അതേ സമയം സിപിഎം പാര്‍ട്ടി കോണ്‍ഗ്രസിന്റെ ഭാഗമായുള്ള സെമിനാറില്‍ പങ്കെടുക്കുമെന്ന് കെ വി തോമസ് അറിയിച്ചു. എറണാകുളത്ത് നടത്തിയ പത്രസമ്മേളനത്തിലാണ് അദ്ദേഹം ഇക്കാര്യം അറിയിച്ചത്. ഈ തീരുമാനത്തെ എംഎ ബേബി ഉള്‍പ്പെടെയുള്ള നേതാക്കള്‍ സ്വാഗതം ചെയ്തു.
