ഓണത്തിന് പരമാവധി സർവീസുകൾ നടത്തണമെന്ന് കെഎസ്ആർടിസ്ക്ക് നിർദ്ദേശം. നാളെ മുതൽ 31 വരെ സർവീസുകളുടെ എണ്ണം വർധിപ്പിക്കാനാണ് ആവശ്യപ്പെട്ടിരിക്കുന്നത്. സിഎംഡിയാണ് ഇക്കാര്യം അറിയിച്ചിരിക്കുന്നത്.ഓഡിയോ സന്ദേശത്തിലൂടെയാണ് സിഎംഡിയുടെ നിർദേശങ്ങൾ അറിയിച്ചത്.
നിലവിൽ ശമ്പളപ്രതിസന്ധിയിൽ നിൽക്കുന്ന ജീവക്കാർ ആശ്വാസവുമായി ഗതാഗതമന്ത്രിയും രംഗത്തെത്തി. കെഎസ്ആർടിസി ജീവനക്കാരുടെ ശമ്പളവും ബോണസും ഇന്ന് തന്നെ വിതരണം ചെയ്യുമെന്ന് മന്ത്രി ആന്റണി രാജു പറഞ്ഞു.അതേസമയം ഓണം അഡ്വാൻസ് നൽകുന്നത് സംബന്ധിച്ച് മാനേജ്‌മെന്റ് ബാങ്കുകളുമായി ചർച്ച നടത്തിവരികയാണ്. കൂടുതൽ സർവീസുകൾക്കായി കൂടുതൽ ഇതിനായി കൂടുതൽ ജീവനക്കാരെയും വിന്യസിച്ചിട്ടുണ്ട്.
ഉത്സവകാലത്ത് പരമാവധി സർവീസുകൾ നടത്തി കളക്ഷൻ വർധിപ്പിക്കുകയാണ് കെഎസ്ആർടിസി മാനേജ്‌മെന്റ് ലക്ഷ്യമിടുന്നത്. അറ്റകുറ്റപ്പണികൾക്കായി മാറ്റിയ ബസുകളും പണി പൂർത്തീകരിച്ച് സർവീസിന് ഇറക്കണം. കൂടുതൽ ജീവനക്കാരെ ഡ്യൂട്ടിയിൽ നിയോഗിക്കണം. പ്രതിദിന ലക്ഷ്യം 9 കോടിയാണ്. കെഎസ്ആർടിസിക്ക് പ്രശ്നങ്ങളുള്ള അവസാന ഓണക്കാലമാക്കട്ടെ ഇതെന്നും സിഎംഡിയുടെ സന്ദേശത്തിൽ പറയുന്നു.