അന്തരിച്ച തൃക്കാക്കര എം.എല്.എ പി.ടി തോമസിനെ അനുസ്മരിച്ച് നിയമസഭ. നിലപാടുകളില് വിട്ടുവീഴ്ച ചെയ്യാത്ത വ്യക്തിത്വമായിരുന്നു പിടി തോമസിന്റേത്. ആര്ക്കും കേട്ടില്ലെന്ന് നടിക്കാന് കഴിയാത്ത് ശബ്ദമായിരുന്നു അദ്ദേഹത്തിന്റേത് എന്നും മുഖ്യമന്ത്രി പിണറായി വിജയന് പറഞ്ഞു.
ജാഗ്രതയോടും ശക്തമായും ഇടപെട്ട സാമാജികനായിരുന്നു പിടിയെന്ന് സ്പീക്കര് എം.ബി രാജേഷും എല്ലാ പോരാട്ടങ്ങളുടെയും കുന്തമുനയായി നിന്ന പോരാളിയായിരുന്നു പിടി തോമസ് എന്ന് പ്രതിപക്ഷ നേതാവ് വിഡി സതീശനും പറഞ്ഞു.
ബജറ്റ് സമ്മേളനത്തിന് മുന്നോടിയായി നടന്നു കൊണ്ടിരിക്കുന്ന നിയമസഭാ സമ്മേളനത്തിന്റെ ആദ്യ ഘട്ടത്തില് നാളെ മുതല് മൂന്ന് ദിവസം ഗവര്ണറുടെ നയപ്രഖ്യാപന പ്രസംഗത്തിന്മേലുള്ള നന്ദി പ്രമേയ ചര്ച്ച നടക്കും.