നരേന്ദ്രമോദി എത്ര പരിശ്രമിച്ചാലും കോണ്‍ഗ്രസ് ഭരിക്കുന്ന അഞ്ചു സംസ്ഥാനങ്ങളിലും പൗരത്വ നിയമ ഭേദഗതി നടപ്പാക്കില്ലെന്ന് എ.ഐ.സി.സി. ജനറല്‍സെക്രട്ടറി കെ.സി. വേണുഗോപാല്‍. കോണ്‍ഗ്രസ് പിന്തുണ നല്‍കുന്ന മഹാരാഷ്ട്രയിലും നിയമം നടപ്പാക്കാന്‍ അനുവദിക്കില്ലെന്നും കോണ്‍ഗ്രസ് അദ്ധ്യക്ഷ സോണിയാഗാന്ധിയുടെ നേതൃത്വത്തില്‍ ഇതിന് തീരുമാനമെടുത്തിട്ടുണ്ടെന്നും വേണുഗോപാല്‍ പറഞ്ഞു
രാജ്യത്തെ മതപരമായും ജാതീയമായും ഭിന്നിപ്പിക്കുന്ന നിയമ ഭേദഗതിക്കെതിരായ പോരാട്ടത്തിന് രാഹുല്‍ ഗാന്ധി നേരിട്ട് രംഗത്തിറങ്ങുകയും അവസാനത്തെ കോണ്‍ഗ്രസുകാരനും മരിച്ചു വീഴുന്നതു വരെ പൗരത്വ നിയമ ഭേദഗതിക്കെതിരേ പോരാട്ടം തുടരുകയും ചെയ്യുമെന്ന് വേണുഗോപാല്‍ വ്യക്തമാക്കി. യോജിക്കാവുന്ന എല്ലാ കക്ഷികളുമായും ചേര്‍ന്നുള്ള പോരാട്ടമാണ് ദേശീയതലത്തില്‍ കോണ്‍ഗ്രസ് നടത്തുന്നതെന്നും സംസ്ഥാനത്തെ കാര്യങ്ങളില്‍ കെ.പി.സി.സി. പ്രസിഡന്റ് പറഞ്ഞതിനപ്പുറം ഒന്നും പറയാനില്ലെന്നും കെ.സി. വേണുഗോപാല്‍ പറഞ്ഞു.
ജില്ലാ കോണ്‍ഗ്രസ് കമ്മിറ്റി ആലപ്പുഴ ബി.എസ്.എന്‍.എല്‍. ഓഫീസിനു മുന്നില്‍ നടത്തിയ ഭരണഘടനാസംരക്ഷണ സമരം ഉദ്ഘാടനം ചെയ്ത കെ.സി. വേണുഗോപാല്‍ ഉള്‍പ്പെടെ 78 പേരെ പൊലീസ് അറസ്റ്റുചെയ്തിരുന്നു. ഇവരെ പിന്നീട് ജാമ്യത്തില്‍ വിടുകയായിരുന്നു.