രൂക്ഷമായ മഴമൂലം റണ്വെയില് വെള്ളം കയറിയതിനെത്തുടര്ന്ന് താല്ക്കാലികമായി അടച്ച കൊച്ചി അന്താരാഷ്ട്ര വിമാനത്താവളം (സിയാല്) പ്രവര്ത്തന സജ്ജമായി.നിര്ത്തിവെച്ചിരുന്ന വിമാന സര്വ്വീസുകള് ഞായറാഴ്ച ഉച്ചയ്ക്ക് 12 മുതല് പുനരാരംഭിക്കും. സര്വീസുകള് ക്രമീകരിക്കാന് വിമാന കമ്പനികള്ക്ക് നിര്ദ്ദേശം നല്കിയിട്ടുണ്ടെന്ന് സിയാല് വൃത്തങ്ങള് അറിയിച്ചു.
പ്രതീക്ഷിച്ചതിലും നേരത്തെ വിമാനത്താവളത്തിന്റെ പ്രവര്ത്തനം സാധാരണ നിലയിലാക്കാന് കഴിഞ്ഞുവെന്ന് സിയാല് അധികൃതര് പറഞ്ഞു.
റണ്വേ അടച്ചതുമൂലം കൊച്ചിയിലേക്കുള്ളതും ഇവിടെനിന്ന് പുറപ്പെടുന്നതുമായ വിമാന സര്വീസുകളെല്ലാം നിര്ത്തിവച്ചിരുന്നു. അപ്രതീക്ഷിത റദ്ദാക്കാന് യാത്രക്കാരെ വലച്ചിരുന്നു.