കോണ്ഗ്രസിനെതിരായ പരസ്യപ്രസ്താവനകളില് എം കെ രാഘവന് താക്കീതും കെ മുരളീധരന് മുന്നറിയിപ്പും നല്കി കെപിസിസി പ്രസിഡന്റ് കെ സുധാകരന്. പാര്ട്ടിയെ മോശമായ ചിത്രീകരിക്കുന്ന പരസ്യ പ്രസ്താവനകള് പാടില്ലെന്ന് സുധാകരന് പറഞ്ഞു. ഇത് സംബന്ധിച്ച് കത്ത് കെപിസിസി പ്രസിഡന്റ് ഇരുവര്ക്കും അയച്ചു.
ഉപയോഗിച്ച ശേഷം വലിച്ചെറിയുകയാണ് പാര്ട്ടിയില് സംഭവിക്കുന്നതെന്നും മിണ്ടാതിരിക്കുന്നവര്ക്കെ പാര്ട്ടിയില് സ്ഥാനമുള്ളൂ എന്നും എം കെ രാഘവന് പരസ്യമായി വിമര്ശിച്ചിരുന്നു. ഈ പരാമര്ശത്തെ കെ മുരളീധരന് പിന്തുണച്ചിരുന്നു. ഇതിന് പിന്നാലെയാണ് മുരളീധരനും മുന്നറിയിപ്പ് നല്കിയിരിക്കുന്നത്.
മുന് കെപിസിസി അദ്ധ്യക്ഷന് എന്ന നിലയില് പ്രസ്താവനകളില് ജാഗ്രത പുലര്ത്തണമെന്നാണ് മുരളീധരനുള്ള കത്ത്. എന്നാല് തന്നെ ആരും താക്കീത് ചെയ്തില്ലെന്നാണ് രാഘവന്റെ വിശദീകരണം. മുന്നറിയിപ്പ് നല്കിക്കൊണ്ട് കെപിസിസി അയച്ച കത്ത് കിട്ടിയിട്ടില്ലെന്ന് കെ മുരളീധരനും പറഞ്ഞു.