സംസ്ഥാനത്തെ 31 തദ്ദേശ വാര്ഡുകളിലെ ഉപതിരഞ്ഞെടുപ്പ് ഡിസംബര് 10 ന് നടത്തുമെന്ന് സംസ്ഥാന തിരഞ്ഞെടുപ്പ് കമ്മീഷണര് എ. ഷാജഹാന്. മലപ്പുറം ജില്ലാ പഞ്ചായത്തിലെ തൃക്കലങ്ങോട് വാര്ഡ് ഉള്പ്പെടെ പതിനൊന്ന് ജില്ലകളിലായി (എറണാകുളം, വയനാട്, കാസര്കോട് ഒഴികെ) നാല് ബ്ലോക്ക്പഞ്ചായത്ത് വാര്ഡുകള്, മൂന്ന് മുനിസിപ്പാലിറ്റി വാര്ഡുകള്, 23 ഗ്രാമപഞ്ചായത്ത് വാര്ഡുകളിലുമാണ് ഉപതിരഞ്ഞെടുപ്പ് നടത്തുന്നത്.
വിജ്ഞാപനം ഇന്ന് പുറപ്പെടുവിക്കും. നാമനിര്ദേശ പത്രിക നവംബര് 22 വരെ സമര്പ്പിക്കാം. സൂക്ഷ്മപരിശോധന 23 ന് വിവിധ കേന്ദ്രങ്ങളില് വച്ച് നടത്തും. പത്രിക നവംബര് 25 വരെ പിന്വലിക്കാം. വോട്ടെണ്ണല് ഡിസംബര് 11ന് രാവിലെ 10 മണിക്ക് നടത്തും. വോട്ടെടുപ്പിനായി 192 പോളിംഗ് ബൂത്തുകള് സജ്ജമാക്കും.
മാതൃകാ പെരുമാറ്റച്ചട്ടം നിലവില് വന്നു. മുനിസിപ്പാലിറ്റികളില് അതാത് വാര്ഡുകളിലും ഗ്രാമപഞ്ചായത്തുകളില് മുഴുവന് പ്രദേശത്തും പെരുമാറ്റചട്ടം ബാധകമാണ്. ബ്ലോക്ക്, ജില്ലാ പഞ്ചായത്തുകളില് ഉപതിരഞ്ഞെടുപ്പുള്ള വാര്ഡുകളില് ഉള്പ്പെടുന്ന ഗ്രാമപഞ്ചായത്ത് പ്രദേശത്താണ് പെരുമാറ്റച്ചട്ടമുള്ളത്.
ഉപതിരഞ്ഞെടുപ്പിനുള്ള അന്തിമ വോട്ടര്പട്ടിക ഒക്ടോബര് 19 ന് പ്രസിദ്ധീകരിച്ചിട്ടുണ്ട്. പട്ടികയില് ആകെ 151055 വോട്ടര്മാരാണുള്ളത് 71967 പുരുഷന്മാരും 79087 സ്ത്രീകളും ഒരു ട്രാന്സ്ജെന്ഡറുമുണ്ട്.
നാമനിര്ദേശ പത്രികയ്ക്കൊപ്പം കെട്ടിവയ്ക്കേണ്ട തുക ജില്ലാ പഞ്ചായത്തില് 5000 രൂപയും, മുനിസിപ്പാലിറ്റിയിലും ബ്ളോക്ക് പഞ്ചായത്തിലും 4000 രൂപയും, ഗ്രാമപഞ്ചായത്തില് 2000 രൂപയുമാണ്. പട്ടികജാതി, പട്ടികവര്ഗ വിഭാഗങ്ങള്ക്ക് പകുതി തുക മതിയാകും.