കൈക്കൂലി വിവാദത്തില് അഡ്വ.സൈബി ജോസ് അഭിഭാഷക അസോ. പ്രസിഡന്റ് സ്ഥാനം രാജിവെച്ചു. ഹൈക്കോടതി അഭിഭാഷക അസോസിയേഷന് സെക്രട്ടറിക്ക് സൈബി രാജിക്കത്തുനല്കി. സ്ഥാനാര്ത്ഥിത്വം പ്രഖ്യാപിച്ചപ്പോള് മുതല് തനിക്കെതിരെ ഗൂഢാലോചനയുണ്ടായിരുന്നെന്ന് സൈബി പറയുന്നു.
സൈബി ജോസിനെതിരായ കേസില്, പണം നല്കിയ സിനിമാ നിര്മ്മാതാവിനെ ചോദ്യം ചെയ്തു. കേസിലെ പ്രത്യേക അന്വേഷണ സംഘം കഴിഞ്ഞ തിങ്കളാഴ്ചയാണ് നിര്മ്മാതാവിനെയും ഭാര്യയെയും ചോദ്യം ചെയ്തത്.
കേസിലെ ജാമ്യ നടപടികളില് അനുകൂല വിധിക്കായി ഹൈക്കോടതി ജഡ്ജിക്ക് നല്കാനെന്ന വ്യാജേന സൈബി നിര്മ്മാതാവില് നിന്ന് പണം വാങ്ങിയെന്നാണ് കേസ്. ഈ കേസിലെ പ്രധാന കണ്ണിയാണ് സിനിമാ നിര്മ്മാതാവ്. പണം വാങ്ങിയത് ഫീസിനത്തിലാണെന്നാണ് സൈബിയുടെ വിശദീകരണം.