കോഴിക്കോട് പേരാമ്പ്രയ്ക്ക് അടുത്ത് പാലേരിയില് ബിജെപി പ്രവര്ത്തകന്റെ വീടിന് നേരെ ബോംബേറ്. ഇന്ന് പുലര്ച്ചെ 12.40-ഓടെയായിരുന്നു സംഭവം. ബിജെപി പ്രവര്ത്തകനായ ശ്രീനിവാസന് എന്നയാളുടെ വീടാണ് ആക്രമിക്കപ്പെട്ടത്.
അപകടത്തില് വീടിന് തകരാര് സംഭവിച്ചിട്ടുണ്ട്. എന്നാല് ആര്ക്കും പരിക്കേറ്റിട്ടില്ല. പൊലീസ് സ്ഥലത്ത് എത്തി പരിശോധന നടത്തുകയാണ്. കഴിഞ്ഞ കുറച്ചു നാളുകളായി പ്രദേശത്ത് സിപിഎം-ബിജെപി സംഘര്ഷം നിലനില്ക്കുന്നുണ്ട്.
കോഴിക്കോട് കക്കോടിയില് ഗാന്ധി പ്രതിമയുടെ തല തകര്ത്തു
കോഴിക്കോട് കക്കോടി മോരിക്കരയില് ഗാന്ധി സ്ക്വയറില് ഗാന്ധി പ്രതിമയുടെ തല തകര്ത്തു. വെള്ളിയാഴ്ച രാത്രിയും ഗാന്ധി സ്ക്വയറിനു നേരെ ആക്രമണം ഉണ്ടായിരുന്നു. അന്ന് നടന്ന ആക്രമണത്തില് മഹാന്മാരുടെ ഫോട്ടോകള് ഉള്പ്പെടെ തകര്ത്തിരുന്നു.
ഇതുമായി ബന്ധപ്പെട്ടു പ്രദേശത്തെ ഒരു വ്യക്തിക്കെതിരെ ചേവായൂര് പൊലീസില് നല്കിയ പരാതിയില് അന്വേഷണം നടക്കവേയാണ് വീണ്ടും ആക്രമണം ഉണ്ടായത്. ചേവായൂര് പൊലീസ് സ്ഥലത്തെത്തി അന്വേഷണം ആരംഭിച്ചു.