ആർഎസ്എസ് നിർദ്ദേശപ്രകാരം ചേർന്ന ബിജെപിയുടെ സംസ്ഥാന കോർ കമ്മിറ്റി യോഗം കൊച്ചിയിൽ തുടരുന്നു. കോര് കമ്മറ്റി യോഗത്തില് കേന്ദ്രസഹമന്ത്രി വി.മുരളീധരന് വിമര്ശം. മന്ത്രിയുടെ പെഴ്സണല് സ്റ്റാഫില് കോണ്ഗ്രസ് ബന്ധമുള്ളവരുണ്ടെന്നും ഡിആര്ഡിഒ കേസിലെ പ്രതി മന്ത്രിയുടെ ഓഫീസ് അംഗത്തെ പോലെയാണ് പെരുമാറുന്നതെന്നുമാണ് ആക്ഷേപം ഉയര്ന്നത്. പികെ കൃഷ്ണദാസ് ആണ് ആരോപണം ഉന്നയിച്ചത്. പാർട്ടിക്കുള്ളിലെ തർക്കങ്ങളും പ്രശ്നങ്ങളും പരിഹരിക്കുന്നതിനാണ് യോഗം ചേർന്നത്.
കെോവിഡ് പ്രതിരോധ പ്രവർത്തനങ്ങളെ ചൊല്ലി സംസ്ഥാന സർക്കാരും കേന്ദ്രമന്ത്രി വി മുരളീധരനുമായുള്ള തർക്കം യോഗത്തിൽ ചർച്ചയായി. ഡി.ആർ.ഡി.ഒ കേസിൽ ഉൾപ്പെട്ടയാൾ മുരളീധരന്റെ ഓഫീസിലെ നിത്യസന്ദർശകനാണ് എന്നതടക്കം ദേശാഭിമാനി എഡിറ്റോറിയലിൽ വന്ന ആരോപണങ്ങളും കോർ ഗ്രൂപ്പിൽ ചർച്ചയായി.
ഡിആര്ഡിഒ ശാസ്ത്രജ്ഞന് ചമഞ്ഞ് തട്ടിപ്പ് നടത്തിയ കേസില് ഉള്പ്പെട്ടയാള് മന്ത്രിയുടെ ഓഫീസിലെ നിത്യസന്ദര്ശകനാണ്. ഇയാള് ഓഫീസ് അംഗത്തെ പോലെയാണ് പ്രവര്ത്തിക്കുന്നത്. പാര്ട്ടി നേതാക്കള്ക്ക് ആവശ്യമായ കാര്യങ്ങള് ചെയ്യുന്നില്ല. പാര്ട്ടി പ്രവര്ത്തകരെ നിരാശപ്പെടുത്തുന്ന കാര്യങ്ങളാണ് നടക്കുന്നതെന്നുമാണ് കൃഷ്ണദാസ് പക്ഷം ആരോപണം ഉന്നയിച്ചിരിക്കുന്നത്. പാര്ട്ടി പ്രവര്ത്തകരെയടക്കം വിദേശത്ത് നിന്ന് മടക്കിക്കൊണ്ടു വരുന്നതില് ഇടപെടല് നടത്തിയില്ലെന്നും ഇവര് ആരോപണം ഉന്നയിക്കുന്നു.
പാർട്ടി സംസ്ഥാന ജനറൽ സെക്രട്ടറി എ.എൻ.രാധാകൃഷ്ണന്റെ കൊച്ചിയിലെ വീട്ടിലാണ് യോഗം. യോഗത്തിൽ വീഡിയോ കോണ്ഫറൻസിംഗ് വഴി വി മുരളീധരനും പങ്കെടുക്കുന്നുണ്ട്. എന്നാൽ വി.മുരളീധരന്റെ ഓഫീസിനെതിരായ ആരോപണങ്ങളിൽ കഴമ്പില്ലെന്ന നിലപാടാണ് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ യോഗത്തിൽ സ്വീകരിച്ചത്.